16:42, 11 - قاڭتار 2023 | GMT +6
ەشقاشان بوتتارمەن جۇمىس ىستەگەن ەمەسپىن - اسحات ورالوۆ
استانا. قازاقپارات - مادەنيەت جانە سپورت ءمينيسترى اسحات ورالوۆ بوتتارمەن جۇمىس ىستەمەيتىنىن ايتتى، دەپ حابارلايدى قازاقپارات ءتىلشىسى.
«مەن ەشقاشان بوتتارمەن جۇمىس ىستەگەن ەمەسپىن. ءيا، ءبىز الەۋمەتتىك جەلىلەردى بەلسەندى جۇرگىزەمىز. جەكە الەۋمەتتىك پاراقشالارىمدى ءوزىم جۇرگىزەمىن. ءاردايىم اشىق اڭگىمەگە دايىنمىن. تاعى قايتالايمىن مەن بوتتارمەن جۇمىس ىستەمەيمىن»، - دەدى اسحات ورالوۆ ۇكىمەت ۇيىندە ب ا ق وكىلدەرىنىڭ ساۋالىنا جاۋاپ بەرىپ.
سونداي-اق، جاڭا مينيستر ءوزىنىڭ تاعايىندالۋىنا قاتىستى سىني پىكىرلەر تۋرالى دا ايتتى.
«ءبىز شىن نيەتپەن جۇمىس ىستەپ جاتىرمىز. حالىق اراسىندا قولداپ نەمەسە سىن ايتىپ جاتقاندار دا بار. ەگەر سىن وبەكتيۆتى تۇردە بولسا، وزەكتى ماسەلەلەر كوتەرىلىپ، ۇسىنىستار ايتىلسا، ماسەلەنى بىرلەسىپ شەشۋگە تىرىسامىز»، - دەيدى ول.
ەسكە سالايىق، 4- قاڭتاردا اسحات ورالوۆ ق ر مادەنيەت جانە سپورت ءمينيسترى بولىپ تاعايىندالدى.
