الداعى ءۇش كۇندە وڭتۇستىكتە اياز كۇشەيىپ، سولتۇستىكتە سۋىقتىڭ بەتى قايتادى

استانا. قازاقپارات - قازگيدرومەت سينوپتيكتەرى 12-14- قاڭتارعا ارنالعان ءۇش كۇندىك اۋا رايى بولجامىن ۇسىندى، دەپ حابارلايدى قازاقپارات.

سۋىق اركتيكالىق انتيتسيكلون ءوز تراەكتورياسىن رەسپۋبليكانىڭ شىعىس، وڭتۇستىك وڭىرلەرىنە باعىتتايدى.

سول سەبەپتى جاۋىن-شاشىنسىز ايازدى اۋا رايى كۇتىلەدى.

تەك رەسپۋبليكانىڭ سولتۇستىك جارتىسىندا اتموسفەرالىق فرونتتاردىڭ اسەرىنەن قار جاۋادى، جاياۋ بۇرقاسىن كوتەرىلەدى.

رەسپۋبليكانىڭ سولتۇستىك-باتىسىندا، وڭتۇستىك-شىعىسىندا تۇمان تۇسەدى.

اۋا تەمپەراتۋراسى ەلىمىزدىڭ باتىسىندا تۇندە 15-30 ايازدان 7-20 ايازعا دەيىن، سولتۇستىك-باتىستا 20-28 ايازدان 13-22 ايازعا دەيىن وزگەرەدى.

رەسپۋبليكانىڭ سولتۇستىگىندە 20-35 ايازدان 13-26 ايازعا دەيىن، ورتالىقتا 30-41 ايازدان 17-25 ايازعا دەيىن، ەلىمىزدىڭ شىعىسىندا 32-43 ايازدان 20-30 ايازعا دەيىن تومەندەيدى.

وڭتۇستىكتە تەمپەراتۋرانىڭ نەگىزگى فونى - 22-31 اياز، وڭتۇستىك-شىعىسىندا 20-33 ايازدان 23-36 ايازعا دەيىن الماسادى.