ۇكىمەت باسشىسى ا ە س سالۋ تۋرالى: تۇپكىلىكتى شەشىم ءالى قابىلدانعان جوق

None
استانا. قازاقپارات – ق ر ۇكىمەتى باسشىسى ءاليحان سمايىلوۆ ەلىمىزدە اتوم ەلەكتر ستانساسىن سالۋعا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«اتوم ەلەكتر ستانساسى - وتە كۇردەلى تەحنولوگيالىق وبەكت. ءبىز بۇل نىساندى الەمدەگى ەڭ وزىق تەحنولوگيالارى بار كومپانيامەن بىرگە سالعىمىز كەلەدى. ياعني، الەمنىڭ ەڭ وزىق تەحنولوگيالارىن تارتۋ ءۇشىن كوپجاقتى جوبا بولعانىن قالايمىز. نەگىزگى جەتكىزۋشى رەتىندە «روساتومدى» تاڭداۋعا قاتىستى شەشىم ءالى قابىلدانعان جوق. شەشىمدى بيىل حالىقارالىق ساراپشىلارمەن پىسىقتاي وتىرىپ قابىلدايمىز. بىزدە روساتوممەن بىرگە ارنايى جول كارتاسى جاسالدى، ەندى دايىندىق جۇمىسىن جۇرگىزۋىمىز كەرەك. ونىڭ قورىتىندىسى بويىنشا تىكەلەي يادرولىق جانە باسقا دا جابدىقتاردى جەتكىزۋشى كومپانيا ايقىندالادى»، - دەدى ءاليحان سمايىلوۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرىپ.

پرەمەر-ءمينيستردىڭ ايتۋىنشا، ا ە س سالۋ ساراپتامالىق زەرتتەۋدى تالاپ ەتەدى جانە ازىرگە سوڭعى شەشىم قابىلدانعان جوق.

ەسكە سالساق، بۇعان دەيىن ەنەرگەتيكا ءمينيسترى بولات اقشولاقوۆ اتوم ەلەكتر ستانتسياسىن سالۋ تەحنولوگياسى بيىل تاڭدالاتىنىن ايتقان ەدى.

سوڭعى جاڭالىقتار