ەلباسى تۋرالى زاڭنىڭ كۇشىن جويۋ: ارنايى كوميسسياعا دەپۋتاتتار ىرىكتەلدى

None
استانا. قازاقپارات - ءماجىلىستىڭ جالپى وتىرىسىندا «ق ر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭنىڭ كۇشى جويىلدى دەپ تانۋ تۋرالى» كونستيتۋتسيالىق زاڭ جوباسى بويىنشا بىرلەسكەن كوميسسيانىڭ قۇرامىنا ەنەتىن دەپۋتاتتار ىرىكتەلدى، دەپ حابارلايدى قازاقپارات ءتىلشىسى.

«پارلامەنت رەگلامەنتىنىڭ 32-5-تارماعىنا سايكەس «ق ر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭنىڭ كۇشى جويىلدى دەپ تانۋ تۋرالى» كونستيتۋتسيالىق زاڭ جوباسى بويىنشا بىرلەسكەن كوميسسيانىڭ قۇرامىنا ماجىلىستەن كەلەسى دەپۋتاتتاردى ۇسىنامىز: بەكجانوۆ بەرىك ايداربەك ۇلى، ەرۋبايەۆ سەرىك سارسەن ۇلى، سمايلوۆ ەرلان ۆالەري ۇلى»، - دەدى دەپۋتات ارمان قوجاحمەتوۆ.

جالپى وتىرىس بارىسىندا پالاتا دەپۋتاتتارى بۇل ۇسىنىسقا قولداۋ ءبىلدىردى.

بۇدان بۇرىن حابارلانعانداي، كونستيتۋتسيالىق سوت 10-قاڭتاردا كونستيتۋتسيانىڭ 62-بابىنىڭ 4-تارماعىن رەسمي ءتۇسىندىرۋ تۋرالى № 2-نورماتيۆتىك قاۋلىسىن شىعاردى.

وسى ورايدا ەلباسى تۋرالى زاڭنىڭ قازاقستاندا قولدانىستا قالۋىنا قۇقىقتىق نەگىز جوق ەكەنىن اتاپ ءوتىلدى.

سوڭعى جاڭالىقتار