تايلاند بيلىگى تۋريستەردى ەلگە كىرگىزۋدىڭ ەرەجەلەرىنە تاعى وزگەرىس ەنگىزدى
تايلاندتىڭ ازاماتتىق اۆياتسيا باسقارماسى شەتەلدىك تۋريستەردەن تايلاندقا ۇشاتىن رەيسكە وتىرار الدىندا Covid-19 ۆاكسيناسىنا قاتىستى قۇجات نەمەسە تەست انىقتاما تالاپ ەتەتىن جاڭا شارالاردى جاريالادى. الايدا، ەكى كۇن وتكەن سوڭ ول ەرەجەگە وزگەرىس ەنگىزىلدى. تايلاند دەنساۋلىق ساقتاۋ ءمينيسترى انۋتين چارنۆيراكۋل بۇل شەشىمدى قىتايدا جانە بۇكىل الەمدە يممۋنيزاتسيا دەڭگەيى جەتكىلىكتى ەكەنىمەن ءتۇسىندىردى. وسىعان قاراماستان، جاڭا ەرەجەلەرگە سايكەس، كوۆيدكە قارسى شەكتەۋلەرى بار ەلدەردەن كەلەتىن ساياحاتشىلار ءالى دە مەديتسينالىق ساقتاندىرۋدى ساتىپ الۋى ءتيىس، دەدى The National News.
تايلاندتا كوروناۆيرۋس جۇقتىرىپ، ەلىنە ورالا الماعان تۋريستەر ەمدەلۋگە جەتكىلىكتى سوما - كەمىندە 10 مىڭ ا ق ش دوللارى، سونداي-اق قوسىمشا 7 كۇنگە شىعىن وتەۋى ءۇشىن قاراجات الىپ ءجۇرۋى كەرەك. جاڭا ەرەجەلەر 18 جاسقا تولماعان ساياحاتشىلارعا، تايلاند ازاماتتارىنىڭ وزدەرىنە جانە ترانزيتتىك ۆيزاسى بار ادامدارعا قاتىستى قولدانىلمايدى. جول ۇستىندە Covid-19 بەلگىلەرى بايقالعان بارلىق ساياحاتشىلار وتىرعىزۋ كەزىندە تەست تاپسىرادى.
