پولشا تاراپى بەلارۋس شەكاراسىندا ديۆيزيا قۇرىپ جاتىر
Massaget.kz ءتىلشىسى كەيىنگى وقيعالارعا شولۋ جاسادى.
دونباسس ءۇشىن كۇرەس جالعاسىپ جاتىر - زەلەنسكيي
ۋكراينا پرەزيدەنتى ۆلاديمير زەلەنسكي كەشكى بەينەۇندەۋىندە دونەتسك جانە لۋگانسك وبلىستارىنداعى جاعدايعا بايلانىستى ستاۆكانىڭ كەزەكتى وتىرىسىن وتكىزگەنىن مالىمدەدى.
«باحمۋت پەن سولەدار، كرەمەننايا جانە سۆاتوۆو، الداعى اپتالارداعى دونباسستاعى جالپى باعىتتار. دونباسس شايقاسى جالعاسىپ جاتىر. وككۋپانتتار قازىر كوپ كۇش-جىگەرىن سولەدارعا شوعىرلاندىردى، ءبىراق وسى اۋىر جانە ۇزاققا سوزىلعان شايقاس ناتيجەسى بۇكىل دونباسستى بوساتۋ بولادى»، - دەدى ول.
رەسەي كراماتورسكىگە سوققى بەردى: قازا بولعاندار بار
رەسەي اسكەرى دونەتسك وبلىسىنىڭ كراماتورسك قالاسىنا زىمىران شابۋىلىن جاسادى. سالدارىنان ەكى ادام قازا تاپتى. بۇل تۋرالى پرەزيدەنت كەڭسەسى باسشىسىنىڭ ورىنباسارى كيريلل تيموشەنكو حابارلادى.
رەسەي اسكەرى سولەدارعا جاڭا كۇشتى شابۋىل جاسادى - كيەۆ
سولەدار ينفراقۇرىلىمى تولىق جويىلدى. بۇل تۋرالى دونەتسك وبلىستىق اسكەري اكىمشىلىگىنىڭ ءتوراعاسى پاۆەل كيريلەنكو ايتتى. سونىمەن قاتار، ول رەسەي تاراپىنان ايتىلعان قالا باسىپ الىنعانى تۋرالى اقپارات جالعان ەكەنىن جەتكىزدى.
پولشا بەلارۋس شەكاراسىندا جاڭا ديۆيزيا قۇرىپ جاتىر
پولشانىڭ سولتۇستىك-شىعىسىنداعى بەلارۋسپەن جانە ليتۆامەن شەكتەسەتىن پودلياسكادا جاڭا اسكەري قۇرىلىم - لەگيوندار جاياۋ اسكەرىنىڭ ءبىرىنشى ديۆيزياسى قۇرىلىپ جاتىر. بۇل تۋرالى پولشا ۇلتتىق قورعانىس ءمينيسترى ماريۋش بلاشاك حابارلادى.
ول جاڭا ديۆيزيا نەگە قاجەت ەكەنىن ءتۇسىندىردى. پولشانىڭ شىعىس شەكاراسىندا مينيستر «زۇلىمدىق يمپەرياسى» دەپ اتاعان رەسەي يمپەرياسىن قالپىنا كەلتىرۋ ارەكەتى ءجۇرىپ جاتقانىن جەتكىزدى. پولياك ساياساتكەرىنىڭ سوزىنشە، جاڭا قۇرىلىمنىڭ مىندەتى - «ەلگە شابۋىل جاساۋعا باتىلى بارماس ءۇشىن باسقىنشىنى توقتاتۋ».
