پوليتسيا: ەلوردادا ۋاقىتشا تىركەلگەندەردىڭ كوبى - رەسەيلىكتەر

استانا. قازاقپارات - استانادا ۋاقىتشا تىركەلگەن شەتەل ازاماتتارىنىڭ كوبىسى رەسەيلىكتەر.

بۇل تۋرالى ەلورداداعى پوليتسيا دەپارتامەنتى كوشى-قون قىزمەتى باسقارماسى باسشىسىنىڭ ورىنباسارى انار جومارتوۆا ايتتى، دەپ حابارلايدى قازاقپارات ءتىلشىسى.

اتاپ ايتقاندا، 2022-جىلى ەلوردادا ۋاقىتشا تىركەلگەن شەتەل ازاماتتارىنىڭ سانى ءوستى.

2021-جىلمەن سالىستىرعاندا 30 پايىز ءوسىم بولدى، ياعني 42762 شەتەلدىك تىركەلدى.

«ۋاقىتشا تىركەۋگە تۇرعانداردىڭ كوبى رەسەي ازاماتتارى، ياعني 75 پايىزى وسى ەلدىڭ ادامدارىنا تيەسىلى. بۇل ءۇردىس بىلتىرعى قىركۇيەك ايىنان بەرى بايقالدى. رف ازاماتتارى قازاقستاندا 90 كۇن بويى تىركەۋسىز بولا الادى. ەگەر ولار وسىندا قالاتىن بولسا، وندا ءتيىستى زاڭداستىرۋ راسىمىنەن ءوتۋى كەرەك. وسى ورايدا، جۇمىسقا ورنالاسقانى تۋرالى دەرەكتەر كەرەك. سونىمەن قاتار، ەگەر تۋىستارىن تاپسا، ولار قالا الادى. جالپى، ەڭبەك شارتىن جاساۋ ارقىلى قالۋ مۇمكىندىگى بولادى»، - دەدى ا. جومارتوۆا 2022-جىلى كوشى-قون سالاسىندا اتقارىلعان جۇمىسقا قاتىستى وتكەن باسپا ءسوز ءماسليحاتىندا.

ونىڭ ايتۋىنشا، شەتەل ازاماتتارى ەلىمىزدە كوپ جاعدايدا قازاقستاندا بولۋ مەرزىمىنە قاتىستى ەرەجەنى بۇزىپ جاتادى.

بۇدان بۇرىن حابارلانعانداي، استانادا كوشى-قون زاڭناماسىن بۇزعان 6 مىڭعا جۋىق شەتەل ازاماتى انىقتالدى.

2022-جىلى ەلوردادا كوشى-قون سالاسىنا قاتىستى 635 مىڭنان استام قىزمەت كورسەتىلدى.

بىلتىر استانادا قوس ازاماتتىعى بار 43 ادام جازالاندى.