ەلىمىزدە جۇمىسسىز ايەلدەر سانى ارتقان
ايەلدەر اراسىنداعى جۇمىسسىزدىق ماسەلەسى العاش رەت بايقالىپ وتىرعان جوق.
وتكەن جىلدىڭ ءۇشىنشى توقسانىندا ەلىمىزدەگى جۇمىسسىزدار سانى 450,3 مىڭ ادامعا جەتتى. بۇل كورسەتكىش 2021 -جىلدىڭ سايكەس كەزەڭىمەن سالىستىرعاندا %0,1 عا از.
قازاقستاندا جۇمىسسىزدار سانى ەكىنشى جىل قاتارىنان قىسقارىپ جاتىر. دەگەنمەن 2019 -جىلدىڭ ءۇشىنشى توقسانىمەن سالىستىرعاندا كورسەتكىش ءالى دە %1,9 عا جوعارى.
ەلىمىزدەگى جۇمىسسىزدىق دەڭگەيى ءبىر جىلدا وزگەرگەن جوق. وتكەن جىلدىڭ ءۇشىنشى توقسانىندا %4,9، 2020 -جىلدىڭ ءتيىستى كەزەڭىندە كورسەتكىش %5 ەدى.
ال 2019 -جىلدىڭ ءۇشىنشى توقسانىندا ول %4,8 دى قۇرادى.
2022 -جىلدىڭ ءۇشىنشى توقسانىندا جۇمىسسىزدىقتىڭ ەڭ جوعارى دەڭگەيى تۇركىستان جانە ماڭعىستاۋ وبلىستارىندا بايقالدى. ياعني %5,3.
سونداي- اق، الماتى مەن شىمكەنتتە، قىزىلوردا وبلىسى جانە ب ق و-دا جۇمىسسىزدىقتىڭ ورتاشا دەڭگەيى %5 دان جوعارى بولدى.
وڭىرلەر اراسىندا جۇمىسسىزدىقتىڭ ەڭ تومەن دەڭگەيى ۇلىتاۋ وبلىسىندا (%4,1). ودان كەيىن قاراعاندى وبلىسى (%4,3) جانە استانا قالاسى (%4,5) ورنالاسقان.
قالالاردا جۇمىسسىزدىق دەڭگەيى اۋىلدارعا قاراعاندا جوعارى 4,9 پايىز كورسەتكىش %4,8 عا قارسى.
سونىمەن قاتار، وتكەن جىلمەن سالىستىرعاندا قالالاردا جۇمىسسىزدىق دەڭگەيى تومەندەدى، ال اۋىلداردا كەرىسىنشە ءوستى.
قالالىق جەردە جۇمىسسىز حالىق سانى ءبىر جىل ىشىندە 0,7 پايىزعا، ياعني 271,2 مىڭ ادامعا قىسقاردى، ال اۋىلدا 0,8 پايىزعا، نەمەسە 179,1 مىڭ ادامعا دەيىن ءوستى.
گەندەرلىك تۇرعىدان العاندا، ايەلدەردىڭ جۇمىسسىزدىق دەڭگەيى ەرلەر دەڭگەيىنەن ەداۋىر جوعارى. 5,7 پايىز قارسى 4,1 پايىز جانە بۇل كورسەتكىش 2012 -جىلدان بەرى ەڭ ۇلكەن الشاقتىق رەتىندە ساقتالىپ كەلەدى.
ءبىر جىل بۇرىن ايەلدەردىڭ جۇمىسسىزدىق دەڭگەيى 5,5 پايىز، ال ەرلەر اراسىندا 4,3 پايىزدى قۇرادى.
قازاقستاندا جۇمىسسىز ايەلدەر سانى ءبىر جىلدا بىردەن 4,3 پايىزعا ءوسىپ، وتكەن جىلدىڭ ءۇشىنشى توقسانىندا 257,4 مىڭ ادامعا جەتتى، ال جۇمىسسىز ەرلەر سانى 5,5 پايىزعا ياعني 192,9 مىڭعا دەيىن قىسقاردى.
