قازاقستان- قىتاي شەكاراسىنان ءوتۋ تالاپتارى جەڭىلدەدى
قىتاي تاراپى كولىك قۇرالدارىن ق ح ر اۋماعىنا كىرگىزۋگە، تاسىمالداۋدىڭ پاندەمياعا دەيىنگى فورماتىنا ورالۋىمەن اۆتوكولىك قۇرالدارىن قابىلداۋعا نيەتتى. بۇل رەتتە اۆتوكولىك قۇرالدارىنىڭ جۇرگىزۋشىلەرىندە ۆيزالار، پ ت ر تەستتەرى، سونداي- اق ولاردىڭ كولىك قۇرالدارى حالىقارالىق ستاندارتتارعا سايكەس كەلۋى ءتيىس.
«شەكاراداعى شەكتەۋلەردى الىپ تاستاعاننان كەيىن، بۇرىن قىتاي تاراپى بەلگىلەگەن اۆتوكولىك قۇرالدارىنىڭ سيپاتتامالارىنا قويىلاتىن تالاپتار سىرتقى ەكونوميكالىق قىزمەتكە ءبىرقاتار قاتىسۋشىلاردىڭ نارازىلىعىن تۋدىردى. سەبەبى ولار اۆتوكولىك قۇرالدارىنا قويىلاتىن قاتاڭ تالاپتار كەزىندە اۆتوكولىك قۇرالدارىن قايتا جابدىقتاۋ بويىنشا بەلگىلى ءبىر شىعىندارعا ۇشىرادى.
2023 -جىلعى 9 -قاڭتاردا مۇددەلى تاراپتاردىڭ جۇمىسىن ۇيلەستىرۋدى قامتاماسىز ەتۋ ماقساتىندا «قالجات» وتكىزۋ پۋنكتىنە ق ر ق م مەملەكەتتىك كىرىستەر كوميتەتىنىڭ باسشىلىق قۇرامى سىرتقى ەكونوميكالىق قىزمەتكە قاتىسۋشىلارمەن كەزدەسۋ وتكىزدى. جۇمىس كەڭەسى بارىسىندا شەكارا قىزمەتىمەن، جەرگىلىكتى اتقارۋشى ورگاندارمەن جانە تاسىمالداۋشىلارمەن بىرلەسىپ كەدەندىك راسىمدەردەن ءوتۋ، سونداي- اق مەملەكەتتىك شەكارادان ءوتۋ ءتارتىبى تۋرالى قاجەتتى تۇسىنىكتەمەلەر بەرىلدى»، - دەپ جازدى ۆەدومستۆودان.
كەڭەس بارىسىندا سىرتقى ەكونوميكالىق قىزمەتكە قاتىسۋشىلار ءبىرقاتار سۇراقتار قويىپ، ناقتى جاۋاپتار الدى.
مەملەكەتتىك كىرىستەر كوميتەتى كەدەندىك باقىلاۋ بويىنشا شەكاراداعى جاعدايعا تۇراقتى مونيتورينگ جۇرگىزۋدە.
رەداكتور
اسحات رايقۇل
