قىلمىس جاساعان جاسوسپىرىمدەر تاربيەلىك جۇمىستارعا ءماجبۇرلى تارتىلماق

None
استانا. قازاقپارات - قىلمىستىق ءىس ءۇشىن كىنالى دەپ تانىلعان كامەلەتكە تولماعان ادامعا ءماجبۇرلى تۇردە تاربيەلىك ىقپال ەتۋ شارالارى قولدانىلادى.

بۇل تۋرالى اشىق تالقىعا شىعارىلعان «ق ر كەيبىر زاڭنامالىق اكتىلەرىنە قىلمىستىق، قىلمىستىق- پروتسەستىك جانە قىلمىستىق-اتقارۋ كودەكستەرىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭ جوباسىندا جازىلعان، دەپ حابارلايدى قازاقپارات ءتىلشىسى.

جاڭا رەداكتسياعا سايكەس، قىلمىس جاساعانى ءۇشىن كىنالى دەپ تانىلعان ادامعا سوتپەن كەلەسى قىلمىستىق- قۇقىق اسەر ەتۋ شارالارى قولدانۋى مۇمكىن:

- مۇلكىن تاركىلەۋ؛

- ارناۋلى، اسكەري نەمەسە قۇرمەتتى اتاعىنان، سىنىپتىق شەنىنەن، ديپلوماتيالىق دارەجەسىنەن، بىلىكتىلىك سىنىبىنان جانە مەملەكەتتىك ناگرادالارىنان ايىرۋ؛

- بەلگىلى بىر لاۋازىمدى اتقارۋ نەمەسە بەلگىلى بىر قىزمەتپەن اينالىسۋ قۇقىعىنان ايىرۋ؛

- قازاقستان رەسپۋبليكاسىنىڭ ازاماتتىعىنان ايىرۋ؛

- شەتەلدىكتى نەمەسە ازاماتتىعى جوق ادامدى قازاقستان رەسپۋبليكاسىنىڭ شەگىنەن تىسقارى جەرگە شىعارىپ جىبەرۋ؛

- كامەلەتكە تولماعان ادامعا تاربيەلىك ىقپال ەتۋدىڭ ماجبۇرلەۋ شاراسى؛

- مەديتسينالىق سيپاتتاعى ماجبۇرلەۋ شارالارى.

بۇعان دەيىن سوت ۇكىمىمەن كامەلەتكە تولماعان ادامعا ءماجبۇرلى تۇردە تاربيەلىك ىقپال ەتۋ جانە مەديتسينالىق سيپاتتاعى ماجبۇرلەۋ شارالارى قولدانىلمايتىن.

سوڭعى جاڭالىقتار