21:57, 09 - قاڭتار 2023 | GMT +6
قازاۆتوجول جولاۋشىلار اۆتوبۋسىنىڭ قوزعالىسىنا تىيىم سالادى
استانا. قازاقپارات - «قازاۆتوجول» ۇ ك» ا ق تاياۋ اپتادا اۋا تەمپەراتۋراسى 30- گرادۋسقا دەيىن تومەندەۋىنە بايلانىستى جۇرگىزۋشىلەرگە ۇندەۋ جولدادى، دەپ حابارلايدى قازاقپارات.
«سينوپتيكتەردىڭ بولجامىنا سايكەس الداعى اپتادا ەلىمىزدە قاتتى اياز بولىپ، اۋا تەمپەراتۋراسى 30- گرادۋسقا دەيىن تومەندەيدى دەپ كۇتىلۋدە. ديزەلمەن جۇرەتىن كولىكتەردىڭ وتىن جۇيەسى قاتىپ قالۋى ىقتيمال. وسىعان بايلانىستى رەسپۋبليكالىق ماڭىزداعى كۇرە جولداردا شتاتتان تىس جاعدايلاردى بولدىرماۋ ءۇشىن ۇلتتىق وپەراتور ءبىرقاتار وڭىردە ديزەلمەن جۇرەتىن جۇك جانە قوعامدىق كولىكتەردىڭ قوزعالىسىنا شەكتەۋ ەنگىزەدى.
رەسپۋبليكالىق اۆتوجولداردى پايدالانۋشىلاردى الىس ساپارعا شىقپاۋعا جانە اۋا رايى بولجامىن ءجىتى باقىلاپ وتىرۋعا شاقىرامىز»، - دەلىنگەن كومپانيا مالىمەتىندە.
ەسكە سالايىق، اۆتوجولدار بويىنشا احۋالدى «1403» بايلانىس ورتالىعىنا قوڭىراۋ شالۋ ارقىلى بىلۋگە بولادى.
