قارجى پيراميداسىنا قاتىستى سوت: ۆاينەرلەر قانداي سحەمامەن جۇمىس ىستەدى

سوت وتىرىسى ونلاين فورماتتا ءوتىپ جاتىر. وعان 12 ايىپتالۋشى قاتىستى. ولاردىڭ قاتارىندا تانىمال ۆاينەرلەر مەيىرجان تورەبايەۆ پەن مەيىرحان شەرنيازوۆ بار. ءىستى المالى اۋداندىق سوتىنىڭ سۋدياسى كامشات ساۋروۆا قاراۋدا.

باستى سوت وتىرىسىندا پروكۋرور ەرلان قۇلانبايەۆ ايىپتاۋ قورىتىندىسىن وقىدى. مەملەكەتتىك ايىپتاۋشىنىڭ ايتۋىنشا، 2019 -جىلدىڭ باسىندا ينۆەستيتسيا سالاسىندا كاسىپكەرلىك قىزمەتتە تاجىريبەسى بار ك. قارجى پيراميداسىن قۇرعان.

ايىپتاۋ قورىتىندىسىنا سايكەس، ول ءوزىنىڭ جاقىن تۋىسى م. -نى ۇيىمداسقان قىلمىستىق توپقا قوسىپ، وعان ءارتۇرلى تاپسىرمالاردى ورىنداۋ مىندەتىن جۇكتەگەن. ال ول ءوز كەزەگىندە 2019 -جىلى «ACD Technology» مەن «Astex» ج ش س- ءىن تىركەگەن.

ودان ءارى ك. , ۇيىمداسقان قىلمىستىق توپتىڭ ۇيىمداستىرۋشىسى بولا وتىرىپ، سالىمشىلارعا ايىنا %20 عا دەيىن، ياعني جىلىنا %240 دى قۇرايتىن دەپوزيتتەر بويىنشا جوعارى كەپىلدىك بەرىلگەن تابىسقا ۋادە بەرگەن. سونىمەن بىرگە ول تۇراقتى پايدا الۋ ءۇشىن جاڭا ينۆەستورلاردىڭ سانىن ۇنەمى كوبەيتۋ قاجەت ەكەنىن ءتۇسىندى.

وسىلايشا، ەكى ج ش س تىركەلگەننەن بەرى كوپتەگەن ينۆەستورلارمەن كەلىسىمشارتتار جاسالدى. زارداپ شەككەندەر اراسىندا 70, 80 جانە 125 ميلليون تەڭگەدەن استام قارجى سالعاندار دا بار. بارلىعى 2 ميلليارد تەڭگەدەن استام سوماعا كەلىسىمشارتتار جاسالدى.

بىرنەشە ايدان كەيىن ولار ءوز قىزمەتىنە سەنىمدى جانە زاڭدى بولىپ كورىنۋ ءۇشىن تانىمال تۇلعالاردى تارتتى، ءازىمجان سايدبايەۆ جانە مەيىرحان شەرنيازوۆ ىسكە قوسىلدى.

«بۇل ادامدار ۇسىنىلعان ءىس- ارەكەتتەردىڭ زاڭسىزدىعىن ءتۇسىنىپ، قارجى پيراميداسىنا قاتىسۋعا ءوز كەلىسىمدەرىن بەردى. ولاردىڭ ءرولى پەرسونالدى باسقارۋ، ويدان شىعارىلعان كەلىسىمشارتتاردى دايىنداۋ جانە رەسىمدەۋ، الەۋەتتى ينۆەستورلارمەن كەزدەسۋ، قارجىلىق پيراميدانى جارنامالاۋ، سالىمشىلاردىڭ قاراجاتىن تاراتۋ بولدى» ، - دەدى ەرلان قۇلانبايەۆ.

2020 -جىلدىڭ مامىر ايىندا جاڭا «Mudarabah Capital» ج ش س تىركەلدى. بۇل كومپانيانى ينۆەستورلاردان اقشا تارتۋ قۇرالى رەتىندە پايدالاندى. سول جىلدىڭ ماۋسىم ايىندا Mudarabah Capital مەن Astex اراسىندا كەلىسىم جاسالدى، وعان سايكەس العاشقىسى كليەنتتەردى ىزدەۋگە، Astex اتىنان كەلىسىم جاساۋعا، كەلىسىم جاسالعاننان كەيىن كەڭەس بەرۋگە جانە باسقا دا زاڭدى وپەراتسيالاردى جۇرگىزۋگە مىندەتتەندى.

«بۇل كەلىسىم Mudarabah Capital-دىڭ Astex قۇرىلىمدىق بولىمشەسى بولعانىن كورسەتەدى»، - دەدى پروكۋرور.

«Mudarabah Capital» ج ش س نەگىزىن قالاۋشىلاردىڭ ءبىرى بولعان ب. ديرەكتور بولىپ تاعايىندالدى. قۇرىلتايشى ازيمجان سايدبايەۆ الەۋمەتتىك جەلىلەردە ۇگىت- ناسيحات جۇمىستارىن جۇرگىزۋى كەرەك ەدى. ول قۇرىلتايشىلار اراسىندا قارجى بولۋگە دە اتسالىستى.

مەملەكەتتىك ايىپتاۋشىنىڭ سوزىنشە، 2020 -جىلدىڭ قىركۇيەك ايىنىڭ سوڭىندا سايدبايەۆ، شەرنيازوۆ جانە باسقالارى قارجى پيراميداسىن تانىمال ەتۋ ءۇشىن الەۋمەتتىك جەلىلەردە ميلليوننان اسا وقىرمانى بار مەيىرجان تورەبايەۆقا جۇگىنگەن. وعان سىياقى بەرىلەتىنى ۋادە ەتىلىپ، بىرلەسكەن قىلمىستىق ارەكەتتەرگە تارتىلعانى ايتىلدى.

«تورەبايەۆ ۇسىنىستىڭ زاڭسىز ەكەنىن ءتۇسىنىپ، پيراميدا ىستەن شىقسا، قىلمىستىق جاۋاپكەرشىلىكتەن جالتارىپ كەتە الاتىنىنا سەنىمدى بولىپ، كەلىسىمىن بەرىپ، ۇيىمداسقان قىلمىستىق توپقا قوسىلعان. ول سالىمشىلارعا پايىز تولەۋ مۇمكىن ەمەسىن، بۇل زاڭسىز قارجى پيراميداسى ەكەنىن، جۇمىستىڭ تابىستىلىعىن باعالاپ، سالىمشىلاردىڭ قاراجاتىنان ايىرىلاتىنىن تۇسىنە وتىرىپ، جۇمىسقا كىرىستى»، - دەدى دەدى مەملەكەتتىك ايىپتاۋشى.

ونىڭ ايتۋىنشا، تورەبايەۆ پيراميدانى كەڭىنەن ناسيحاتتاپ، ۇگىت- ناسيحات جۇمىستارىن جۇرگىزىپ، وعان قارجى سالىنىپ جاتقانىن، مۇنىڭ ءبارى زاڭدى ەكەنىن الەۋمەتتىك جەلىلەردە كورسەتۋى كەرەك ەدى. بارلىق قۇرىلتايشىلاردىڭ جارعىلىق كاپيتالدا %11-11,5 ۇلەسى بولدى.

كەيىن سۋديا كامشات ساۋروۆا ايىپتالۋشىلاردىڭ تاعىلعان ايىپقا قاتىستى پىكىرىن سۇرادى. شەرنيازوۆ پەن تورەبايەۆ قارجى پيراميداسىن قۇردى جانە ۇيىمداستىردى دەگەن ايىپپەن كەلىسپەيتىنىن جانە كىنانى مويىندامايتىنىن ايتتى.

بۇعان دەيىن سوت ۆاينەر مەيىرجان تورەبايەۆتى تەرگەۋ اباقتىسىنان ءۇيقاماققا اۋىستىرعان بولاتىن.

ايتا كەتەيىك، 12-جەلتوقساندا قارجى پيراميداسىن قۇردى دەپ ايىپتالعان تانىمال ۆاينەرلەردىڭ ءىسى سوتقا جولدانعان بولاتىن.

قارجى پيراميداسى ءىسى بويىنشا، ا. وراز پەن ا. سايدبايەۆقا حالىقارالىق ىزدەۋ جاريالانعان. قاداعالاۋ ورگانىنىڭ مالىمەتىنشە، قىلمىستىق ءىستىڭ نەگىزىندە 41 -جىلجىمايتىن مۇلىككە، 3 اۆتوكولىككە، 9 بانك شوتىنا جانە 16 كومپانيانىڭ جارعىلىق كاپيتالىنداعى ءارتۇرلى ۇلەستەرگە تىيىم سالىندى.

تانىمال ۆاينەرلەر مەيىرجان تورەبايەۆ پەن مەيىرحان شەرنيازوۆقا ق ر قىلمىستىق كودەكسىنىڭ 217-بابى 3-بولىگى بويىنشا ايىپ تاقتى.