ەلوردالىق ەرىكتىلەر قولدارىنا كۇرەك الىپ، كوشەگە شىقتى

None
None
استانا. قازاقپارات - ەلوردالىق ەرىكتىلەر اۋلالاردى قاردان تازارتۋ اكتسياسىن جالعاستىردى، دەپ حابارلايدى قازاقپارات استانا قالاسى اكىمدىگىنىڭ رەسمي سايتىنا سىلتەمە جاساپ.

ەرىكتىلەر جالعىزباستى، قارت جانە باسقا دا مۇقتاج ادامدارعا ءۇي ماڭىنداعى اۋماقتاردى قاردان تازارتۋعا كومەكتەستى. اۋقىمدى اكسياعا 130 عا جۋىق ادام قاتىستى. ولار - ەرىكتىلەر، بەلسەندىلەر، «جاس سارباز» اسكەري- پاتريوتتىق قوزعالىسىنىڭ تاربيەلەنۋشىلەرى جانە جاستار ۇيىمدارىنىڭ وكىلدەرى.

«ءبىز وسىنداي ءىس- شارالارعا ۇنەمى قاتىسامىز. ۆولونتەرلىك كومەك ەشقاشان ارتىق بولمايدى، اسىرەسە قارت ادامدار ءۇشىن»، - دەيدى «جاس سارباز» ءا پ ق استانا قالالىق فيليالىنىڭ ءتوراعاسى اسحات نالشىبەك.

ءىس- شارانى استانا قالاسى بايقوڭىر اۋدانى اكىمىنىڭ اپپاراتى، «استانا جاستارى» رەسۋرستىق ورتالىعى جانە ەلوردالىق جاستار ساياساتى ماسەلەلەرى باسقارماسى ۇيىمداستىردى. بارلىق قاتىسۋشىلار قاجەتتى قۇرال- جابدىقتارمەن قامتاماسىز ەتىلدى.

ايتا كەتسەك، «قازگيدرومەت» ر م ك دەرەكتەرى بويىنشا 6-قاڭتارعا قاراعان ءتۇنى استانادا جاۋىن- شاشىن مولشەرى - 5,2 م م، ال قاردىڭ بيىكتىگى - 39 س م بولدى. 2023 -جىلعى 1-قاڭتارمەن سالىستىرعاندا (0,8 م م) جاۋىن- شاشىن مولشەرى 6 ەسەدەي ارتقان.

قىس مەزگىلى باستالعالى كوممۋنالدىق قىزمەتتەر قالادان 113 مىڭنان استام جۇك كولىگىنە تەڭ نەمەسە 1,4 ميلليون تەكشە مەتردەن استام قار شىعاردى. ولار كەشكى جانە تۇنگى ۋاقىتتاردا دا كۇشەيتىلگەن رەجيمدە جۇمىس ىستەپ جاتىر.


سوڭعى جاڭالىقتار