اقتوبە وبلىسىنىڭ ءۇش اۋدانىندا كولىك قوزعالىسى قالپىنا كەلدى

اقتوبە. قازاقپارات - اقتوبە وبلىسىندا جولدار اشىلىپ، جەڭىل جانە جۇك كولىكتەرىنىڭ قوزعالىسى قالپىنا كەلتىرىلدى، دەپ حابارلايدى قازاقپارات ءتىلشىسى.

جول قوزعالىسى شەكتەلۋىنە بايلانىستى بلوكپوستتارعا جۇك جانە جەڭىل كولىكتەر جينالعان بولاتىن.

«ايتەكە بي اۋدانى قارابۇتاق اۋىلىندا 115 جۇك، 140 جەڭىل اۆتوكولىك، ت. جۇرگەنوۆ اۋىلىندا 29 جۇك، 13 جەڭىل، حرومتاۋ اۋدانى بويىنشا 60 جۇك كولىگى توقتاتىلدى. قوبدا اۋدانى بويىنشا 80 جۇك، 5 جەڭىل اۆتوكولىك قوزعالىسى شەكتەلدى.

ت ج د قىزمەتكەرلەرى جولدا تۇرعان جولاۋشىلارعا ءورت قاۋىپسىزدىگى، ۋلى گازدىڭ زيانى تۋرالى ايتتى. ماشينا ىشىندە ۇيىقتاۋعا بولمايتىنىن، الىس ساپارلارعا شىققاندا «دارمەن» قوسىمشاسىن باقىلاپ، 112 حابارلاماسىنا قۇلاق ءتۇرۋدى ەسكەرتتى»، - دەپ حابارلادى وبلىستىق پ د باسپا ءسوز قىزمەتى.

قازىرگى كەزدە جولدار اشىلىپ، جەڭىل جانە جۇك كولىكتەرىنىڭ قوزعالىسى قالپىنا كەلتىرىلدى.