ا ق ش- تىڭ ورتالىق ازياداعى سىرتقى ساياساتىنىڭ نەگىزگى باعىتتارى

None
None
ۆاشينگتون. قازاقپارات – ا ق ش مەملەكەتتىك دەپارتامەنتىنىڭ باسپا ءسوز حاتشىسى نەد پرايس بريفينگ بارىسىندا امەريكانىڭ ورتالىق ازياداعى سىرتقى ساياساتىنىڭ 2023 -جىلعى نەگىزگى باعىتتارى تۋرالى ايتتى، دەپ حابارلايدى قازاقپاراتتىڭ مەنشىكتى ءتىلشىسى.

سىرتقى ساياسات ۆەدومستۆوسىنىڭ وكىلى امەريكا ورتالىق ازيا ەلدەرىنە سەنىمدى سەرىكتەس بولۋعا ۇمتىلادى جانە ورتالىق ازيا مەملەكەتتەرىنىڭ تاۋەلسىزدىگىن، ەگەمەندىگى جانە اۋماعىنىڭ ءبىرتۇتاس بولۋىن قولداۋدى جالعاستىراتىنىن اتاپ ءوتتى.

امەريكا تاراپى 7 جىلدان استام ۋاقىت بۇرىن C5+1 ديپلوماتيالىق پلاتفورماسىن ىسكە قوستى، مۇنداي فورماتتاعى سەرىكتەستىك ءوڭىر ءۇشىن جانە ءوڭىر سىرتىندا دا ءتيىمدى ءارى تۇراقتى شەشىمدەرگە اكەلەدى. نەد پرايستىڭ ايتۋىنشا، قازىرگى ۋاقىتتا ورتا ازيا ەڭ قۋاتتى جاعدايىندا، سەبەبى ۇكىمەت ايماقتىق جانە جاھاندىق ماسەلەلەردى ۇجىمداسا شەشەدى، ال بۇل قازىر بۇرىنعىدان دا وزەكتى بولىپ تۇر.

ەكونوميكالىق تۇرعىدا ا ق ش بۇرىنعىشا ايماققا ينۆەستيتسيا قۇيادى جانە ارىپتەستەرىمەن جۇمىسقا قىزىعۋشىلىق تانىتادى. وعان دالەل ورتالىق ازيا الەۋەتىن كوتەرۋگە، جاڭا ساۋدا باعىتتارىن كەڭەيتۋ جانە ايماقتاعى جەكە سەكتوردى نىعايتۋعا 25 ميلليون دوللاردىڭ ءبولىنۋى.

سونداي- اق، سەرىكتەستەرمەن ىسكەرلىك جانە ەكونوميكالىق بايلانىستار، كاسىپتىك الماسۋ، ءبىلىم بەرۋ جانە اعىلشىن ءتىلىن مەڭگەرۋ، دەنساۋلىق ساقتاۋ، يادرولىق قارۋدى تاراتپاۋ جانە قاۋىپسىزدىك، تاۋەلسىز ازاماتتىق قوعام مەن ب ا ق الەۋەتىن ارتتىرۋ، وڭىرلىك ساۋدا مەن ەنەرگەتيكالىق قاۋىپسىزدىكتى نىعايتۋ سالاسىنداعى كوپتەگەن وڭىرلىك جانە ەكىجاقتى باعدارلامالار بويىنشا ىنتىماقتاستىق جۇزەگە اسىرىلادى.

ورتالىق ازيا ۇكىمەتتەرىمەن جانە حالىقتارىمەن ىنتىماقتاستىق، سونداي- اق ولاردىڭ ءوزارا ءىس- قيمىلى ورتالىق ازيانىڭ وركەندەۋى مەن تۇراقتىلىعىنا ىقپال ەتەتىن ىرگەتاس جانە بۇل شىنىمەن دە ا ق ش- تىڭ ايماققا دەگەن سىرتقى ساياسي كوزقاراسىنا نەگىز بولادى.

سۋرەتتى «قازاقپارات» ح ا ا ءتىلشىسى ءتۇسىردى


سوڭعى جاڭالىقتار