قىتايدا كوروناۆيرۋس جۇقتىرعانداردى ءبىر ورتالىقتا وقشاۋلاپ ۇستاۋ توقتاتىلدى
COVID-19-عا دياگنوستيكا جاساۋ جانە ەمدەۋ حاتتاماسىنىڭ جاڭارتىلعان نۇسقاسىنا سىلتەمە جاساعان «شينحۋا» اگەنتتىگىنىڭ حابارلاۋىنشا، قىتايدا COVID-19-عا شالدىققانداردى كارانتين ورتالىقتارىندا وقشاۋلاۋ الىنىپ تاستالدى. بۇعان دەيىن قىتاي بيلىگى كوروناۆيرۋستى مۇلدەم تاراتپاۋ ساياساتىن جۇرگىزىپ، ق ح ر- ءدىڭ بارلىق اكىمشىلىك- ايماقتىق مەكەمەلەرىندە كوروناۆيرۋس ينفەكسياسىن جۇقتىرعان ادامدارعا ارناپ كارانتين ورتالىقتارىن سالعان بولاتىن.
ەندى ناۋقاستارعا اۋرۋحانادان شىققاندا كوروناۆيرۋستىڭ بار- جوعىن انىقتايتىن پ ت ر- تەستتىڭ تەرىس ناتيجەسى قاجەت ەمەس. COVID-19-عا دياگنوستيكا جاساۋ جانە ەمدەۋدىڭ جاڭا حاتتاماسىندا اۋرۋ بۇرىن «جاڭا كوروناۆيرۋس پاندەمياسى» بولسا، ەندى «جاڭا كوروناۆيرۋس ينفەكتسياسى» بولىپ وزگەرگەن.
بۇعان دەيىن ق ح ر دەنساۋلىق ساقتاۋ ىستەرى بويىنشا مەملەكەتتىك كوميتەتتىڭ شەشىمى بويىنشا كوروناۆيرۋسقا قارسى كۇرەس شارالارىنىڭ ساناتى ەڭ جوعارعى ا- دان ۆ- عا تۇسكەن بولاتىن.
قىتاي اۋرۋلاردى باقىلاۋ جانە الدىن الۋ ورتالىعىنىڭ 2023 -جىلدىڭ 6-قاڭتارىنداعى دەرەگىنە سايكەس، قۇرلىقتىق قىتايدا وتكەن تاۋلىكتە 10,6 مىڭ ادام كوروناۆيرۋس جۇقتىرعان. دەنساۋلىق تۋرالى مالىمەت جينايتىن Airfinity بريتاندىق كومپانياسىنىڭ زەرتتەۋى بويىنشا، COVID- تەن تاۋلىگىنە 9 مىڭ ادامعا دەيىن قايتىس بولعان. پاندەميا باستالعالى ق ح ر- دا كوروناۆيرۋستان 5267 ادام قايتىس بولدى.