وتكەن جىلدىڭ قورىتىندىسى بويىنشا چەمپيونداردىڭ چەمپيونى بەلگىلى بولدى

استانا. قازاقپارات - «پ س ج» مەن ارگەنتينا قۇراماسىنىڭ شابۋىلشىسى ليونەل مەسسي L'Équipe باسىلىمى وتكىزگەن ساۋالناماعا سايكەس 2022 -جىلدىڭ قورىتىندىسى بويىنشا چەمپيونداردىڭ چەمپيونى اتاندى، دەپ حابارلايدى قازاقپارات ءتىلشىسى.

Championat.com سايتىنان الىنعان دەرەككە قاراعاندا، L'ةquipe رەداكسياسى جۋرناليستەرىنىڭ ايتۋىنشا، اتالمىش سىيلىق جىلدىڭ ەڭ ۇزدىك سپورتشىسىنا بەرىلەدى.

رەيتينگ 4-جەلتوقسان كۇنى اياقتالعان داۋىس بەرۋدىڭ ناتيجەسى بويىنشا جاسالعان.

داۋىس بەرۋ قورىتىندىسى بويىنشا ليونەل مەسسي وق بويى وزىق شىعىپ، 808 ۇپاي جينادى. «پ س ج» مەن فرانتسيا شابۋىلشىسى كيليان مباپپە (381 ۇپاي) ەكىنشى ورىندا. ۇزدىك ۇشتىكتى يسپانيالىق تەننيسشى رافاەل نادال (285) تۇيىندەدى.

بەلگيالىق ۆەلوسپورتشى رەمكو ەۆەنەپۋل ءتورتىنشى، نيدەرلاندىلىق اۆتوجورىقشى ماكس فەرستاپپەن بەسىنشى ساتىدان كورىندى.

ەسكە سالا كەتەيىك، بۇدان بۇرىن مەسسيدىڭ 2022 -جىلدىڭ قورىتىندىسى بويىنشا الەمدەگى ۇزدىك فۋتبولشى اتانعانىن جازعان بولاتىنبىز.