ابدەن مەزى بولدىم. اندرادە ءالىمحان ۇلى تۋرالى باتىل مالىمدەمە جاسادى

None
استانا. قازاقپارات - امەريكالىق بوكسشى دەمەتريۋس اندرادە (31-0، 19 ك و) قازاقستاندىق جانىبەك ءالىمحان ۇلى (13-0، 8 ك و) سياقتى قارسىلاستارىمەن رينگتە نەلىكتەن كەزدەسكىسى كەلمەيتىنىن ايتتى، - دەپ حابارلايدى Vesti.kz ءتىلشىسى.

«مەن ءومىر بويى مىندەتتى ۇمىتكەرلەرمەن جەكپە-جەك وتكىزىپ كەلەمىن. ابدەن مەزى بولدىم. ودان دا ومىرىمىزگە بىرنارسە بەرە الاتىن جاقسى جەكپە-جەك وتكىزەيىك، تۇسىنەسىز بە؟

ءالىمحان ۇلى سياقتى جىگىتپەن توبەلەسكەننىڭ سىيى نە؟ ءبىز بۇل جىگىتتىڭ (بەنتلي) قايدان كەلگەنىن، لوندوننان نەمەسە قايدان كەلگەنىن بىلمەيمىز، ال ول ونىمەن 12 اۋىر راۋند ءوتتى. جىگىتتەر، مەنىڭ وسىنداي بوكسشىلارمەن جەكپە-جەك وتكىزىپ، ۋاقىتىمدى جوعالتقانىمدى قالايسىزدار ما؟ مەن ءوز ۇرپاعىمنىڭ جىگىتتەرىمەن توبەلەسكىم كەلەدى. مىسالى، چارلو، پلانت، گولوۆكين، كانەلو، مۋنگيا، مەنىمەن دەڭگەيلەس جىگىتتەرمەن، جانىبەك ەمەس»، - دەپ كەلتىرەدى Boxingscene.com اندرادەنىڭ ءسوزىن.

ەسكە سالايىق، 34 جاستاعى اندرادە ورتا سالماقتا WBO تۇجىرىمى بويىنشا چەمپيون (2018-2022) بولعانىمەن، كەيىن تيتۋلىنان باس تارتىپ، ەكىنشى ورتا سالماققا ءوتىپ، سول ارقىلى بەلبەۋىن اسىرعان 29 جاستاعى الىمحان ۇلىمەن جەكپە-جەكتەن جالتارعان بولاتىن. قاراشادا قازاقستاندىق ۇلى بريتانيالىق دەنزەل بەنتليگە قارسى جاڭا مارتەبەدە چەمپيوندىق اتاعىن ءساتتى قورعادى.

اندرادە ەكىنشى ورتا ديۆيزيونداعى العاشقى ويىنىن وتانداسى دەموند نيكولسونعا (26-4-1، 22 ك و) قارسى وتكىزەدى. ول 7-قاڭتاردا ا ق ش-تا وتەدى.


سوڭعى جاڭالىقتار