دىندە نەگە جاڭا جىلدى تويلاۋعا قارسىلىق بار؟ ق م ب د جاۋابى

None
استانا. قازاقپارات - جاڭا جىل كەزىندە قوعامدا ەكىۇداي وي قالىپتاسادى.

جاڭا جىلدىڭ ءوزى قازاق قوعامىن ەكىگە ءبولىپ جاتىر: تويلايتىندار جانە تويلامايتىندار. بۇل مەرەكەنى بىرەۋلەر اسىعا كۇتسە، باسقالارى، ءتىپتى، «قۇتتىقتاماڭدار» دەپ رەنجيدى. ال بۇل تۋرالى قازاقستان مۇسىلماندارى ءدىني باسقارماسى وكىلدەرى نە دەيدى؟

ق م د ب ءاربىر حالىقتا ءدىني مەرەكەلەردەن بولەك ءوزىنىڭ ۇلتتىق مەرەكەلەرى دە بولاتىنىن، سولاردىڭ ءبىرى - جاڭا جىل ەكەنىن ايتادى.

«يسلام دىنىندە ورازا جانە قۇربان ايتتارى مەرەكە بولىپ بەلگىلەندى. الايدا، ءاربىر حالىقتىڭ ءدىني مەرەكەلەرىنەن بولەك وزىندىك ۇلتتىق، وتاندىق مەرەكەسى، ءاربىر تۇلعانىڭ ومىرىندە ورىن الاتىن قۋانىشتى جايتتارىنا ارنالعان كۇندەرى بولۋى زاڭدىلىق. بارشا جۇرت اسىعا كۇتەتىن جاڭا جىل مەيرامى دا سول كۇندەردىڭ ءبىرى. ول ءار ەلدە ءوزىنىڭ ۇلتتىق سالت-داستۇرىنە ساي تويلانادى»، - دەلىنگەن ق م د ب سايتىندا.

الايدا ق م د ب ادامداردى ۇيدە شىرشا قۇرۋ ادەتىنەن بارىنشا ارىلۋعا شاقىرادى.

«مەرەكەنىڭ باستى بەلگىلەرى بولىپ تابىلاتىن بەزەندىرىلگەن جاڭا جىل شىرشاسى، جاڭاجىلدىق داستارحان، سىيلىقتار - بارىنە ورتاق. شىرشانى قاسيەتتەۋ، ۇلىقتاۋ ادامنىڭ ءدىني سەنىمىن بۇزۋى مۇمكىن. ەرتەدە ادامدار اعاشقا تاماق ءىلىپ قويسا، اڭشىلاردىڭ قانجىعاسى مايلانادى دەپ ساناعان. جاڭا جىل كۇنى ادامنىڭ كەلەر جىلعى تاعدىرى شەشىلەدى جانە شىرشانىڭ الدىندا قانداي تىلەك تىلەسەڭ، سول ورىندالادى دەپ سەنگەن. دەگەنمەن، جاڭا جىلدىڭ بەلگىسى رەتىندە ۇيگە شىرشا قۇرۋ، ونى بەزەندىرۋ بۇرىن ءبىزدىڭ داستۇردە بولماعان. ۇيىنە شىرشا تىگىپ،»اياز اتا كەلىپ، سىيلىق بەرەدى«دەپ اتا-انالار بالالارىن الداماعان. ولار ۇرپاقتارىن اللاعا عانا تاۋەكەل ەتىپ، جاراتۋشىدان عانا بەرەكە تىلەۋدى ۇيرەتكەن. سوندىقتان ادەپ-عۇرپىمىزدا بولماعان، شاريعاتىمىزدا بۇيىرىلماعان جاڭا جىل قارساڭىندا ۇيدە شىرشا قۇرۋ ادەتىنەن بارىنشا ارىلعانىمىز ءجون»، - دەلىنگەن ق م د ب سايتىندا.


سوڭعى جاڭالىقتار