ەلىمىزدە اۋا رايىنا بايلانىستى كولىك قوزعالىسى قيىندادى

استانا. قازاقپارات - اۋا رايىنىڭ قولايسىزدىعىنا بايلانىستى ەلىمىزدىڭ ءبىرقاتار تاسجولىندا كولىك قوزعالىسى قيىندادى.

جولداردى تازالاۋ ءۇشىن 63 اۆتوجول ۋچاسكەسى جابىلدى.

ونىڭ 27 سى رەسپۋبليكالىق ماڭىزعا يە. قالىڭ قار سالدارىنان الماتى- وسكەمەن، قالباتاۋ- وسكەمەن، كوكپەكتى- قالباتاۋ تاس جولدارىندا كولىكتەر قوزعالا الماي، كەپتەلىپ قالعان.

سونىمەن قاتار، تۇرگەن- بوتان باعىتىنداعى كولىكتەر قار قۇرساۋىنان شىعارىلدى. ناتيجەسىندە 92 ادام قۇتقارىلدى. ونىڭ ىشىندە 8 بالا بار.

24.kz