جۇمىسىنان ايىرىلعانى ءۇشىن تولەنەتىن الەۋمەتتىك تولەم پايىزى ارتتى

بۇل تۋرالى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

باسپا ءسوز قىزمەتىنىڭ حابارلاۋىنشا، مەملەكەت باسشىسىنىڭ جولداۋىن ىسكە اسىرۋ شەڭبەرىندە جۇمىسىنان ايىرىلعان جاعدايدا تولەنەتىن الەۋمەتتىك تولەمدى ەسەپتەۋ ءۇشىن قولدانىلاتىن تابىستى الماستىرۋ كوەففيتسيەنتى 40 پايىزدان 45 پايىزعا دەيىن ۇلعايتىلدى. 2023 -جىلى 117 مىڭعا جۋىق ازاماتقا جۇمىسىنان ايىرىلعان جاعدايدا تولەنەتىن الەۋمەتتىك تولەم ورتا ەسەپپەن 13 پايىزعا ءوسىپ، ارتتىرىلعان مولشەردە تاعايىندالادى دەپ كۇتىلۋدە.

سونداي-اق بالا كۇتىمى بويىنشا الەۋمەتتىك تولەمدى جۇزەگە اسىرۋ ۇزاقتىعى 1 جاستان 1,5 جاسقا دەيىن ۇزارتىلدى. بيىل بۇل تولەم 500 مىڭنان استام اتا- اناعا تاعايىندالۋى جوسپارلانۋدا.

بۇدان بولەك، ەڭبەككە قابىلەتتىلىگىنەن ايىرىلعان 78 مىڭ ادامعا جانە اسىراۋشىسىنان ايىرىلعان 55 مىڭ وتباسىعا بازالىق مەملەكەتتىك جاردەماقىلارعا قوسىمشا تاعايىندالاتىن الەۋمەتتىك تولەمدەردىڭ مولشەرى 8,5 پايىزعا ارتتى.

«وسىلايشا، جۇمىس ىستەيتىن ازاماتتاردى الەۋمەتتىك قامسىزداندىرۋ جۇمىس ىستەمەيتىندەرگە قاراعاندا جوعارى بولماق»، - دەلىنگەن حابارلامادا.