تاعى ءبىر قاۋىپتى ءدارىنىڭ ساتىلۋىنا تىيىم سالىندى
بۇل تۋرالى قازاقپارات ءوز ا سىلتەمە جاساپ حابارلايدى.
دارىلىك زاتتاردىڭ ساپاسىن باقىلاۋ جانە ستاندارتتاۋ زەرتحاناسى جۇرگىزگەن «دوك-1 ماكس» جانە «امبرونول» پرەپاراتتارىنىڭ ساپاسىن تەرەڭدەتىلگەن باقىلاۋ ناتيجەلەرى بويىنشا اتالعان ءدارى-دارمەكتىڭ نورماتيۆتىك قۇقىقتىق قۇجاتتا كورسەتىلگەن قۇرامعا سايكەس كەلمەيتىنى انىقتالدى.
اتاپ ايتقاندا، ولاردىڭ كەيبىر سەريالارىندا پروپيلەنگليكولدىڭ ورنىنا نەمەسە ونىمەن بىرگە ەتيلەنگليكول جانە ديەتيلەنگليكول قوسپاسى بولاتىنى انىقتالدى. وسىنى ەسكەرە وتىرىپ، تۇرعىنداردىڭ دەنساۋلىعىن ساقتاۋ جانە قالعان ءدارى-دارمەكتەرگە قوسىمشا تەكسەرۋ جۇرگىزۋ ماقساتىندا ساقتىق شاراسى رەتىندە 2022 -جىلى «Quramax Medical» ج ش س رەسپۋبليكا اۋماعىنا اكەلىنگەن بارلىق ءدارى-دارمەكتەردى ساتۋ توقتاتىلدى.
بۇعان دەيىن حابارلاعانىمىزداي، 22-جەلتوقسان كۇنى وزبەكستاندا بالالاردىڭ ولىمىنە سەبەپ بولۋى مۇمكىن دەگەن نەگىزبەن تۇماۋ مەن سۋىق تيۋگە قارسى ۇندىلىك «دوك-1 ماكس» پرەپاراتىن ساتۋعا ۋاقىتشا تىيىم سالىندى.
27-جەلتوقساندا ءو ر دەنساۋلىق ساقتاۋ مينيسترلىگى 18 بالانىڭ ءولىمى «دوك-1 ماكس» پرەپاراتىنان بولعانىن راستادى. مەملەكەتتىك ساراپتاما جانە ستاندارتتاۋ ورتالىعى پرەپارات تالاپقا ساي كەلمەيدى دەگەن قورىتىندى شىعاردى.
وزبەكستاننىڭ مەملەكەتتىك قاۋىپسىزدىك قىزمەتى (م ق ق) 18 بالانىڭ تۇماۋعا قارسى ءۇندى دارىسىنەن كەيىن كوز جۇمۋ وقيعاسىنا قاتىستى قىلمىستىق ءىس قوزعادى.
29-جەلتوقساندا «دوك-1 ماكس» پرەپاراتىن ىشكەن تاعى ءبىر بالا قايتىس بولعانى بەلگىلى بولدى.
