21:58, 05 - قاڭتار 2023 | GMT +6
تانىمال قازاقستاندىق فۋتبولشى ەۋروپالىق كلۋبتا ويناۋى مۇمكىن
استانا. قازاقپارات - تانىمال قازاقستاندىق فۋتبولشى باۋىرجان يسلامحان مانسابىن بولگاريانىڭ «ليەۆسكي» كلۋبىندا جالعاستىرۋى مۇمكىن.
بۇل تۋرالى Kazakh_football_insaide تەلەگرام-ارناسى اقپارات تاراتتى.
بىزگە جەتكەن اقپارات بويىنشا يسلامحان بولگار كومانداسىنىڭ قاتارىنا قوسىلۋى مۇمكىن. ونىڭ ويىنى «ليەۆسكي» جاتتىقتىرۋشىسى ستانيمير ستويلوۆقا جاقسى تانىس، - دەپ جازادى پابليك.
تالانتىمەن تالايدى تاڭداي قاقتىرعان فۋتبولشىنى قازاقستان پرەمەر-ليگاسىنداعى كەي كلۋبتار دا قاتارىنا قوسقىسى كەلەدى. ولاردىڭ قاتارىندا «اقتوبە» مەن اقتاۋدىڭ «كاسپي» كلۋبتارى بار.
ايتا كەتەيىك، باۋىرجان يسلامحان 2020-جىلدىڭ قىركۇيەك ايىندا دوپينگ-تەست قورىتىندىسى بويىنشا 2 جىل فۋتبولدان شەتتەتىلگەن بولاتىن. جۋىردا ۇلتتىق قۇراما ساپىندا وزبەكستانعا قارسى ويىندا الاڭعا شىعىپ، ءالى دە بابىندا ەكەنىن بايقاتتى.