الماتى وبلىسى پوليتسيا دەپارتامەنتىنىڭ بۇرىنعى باستىعى سەرىك كۇدەبايەۆتىڭ سوتى باستالدى

None
تالدىقورعان. قازاقپارات - تالدىقورعاندا الماتى وبلىسى پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆقا قاتىستى سوت باستالدى، دەپ حابارلايدى قازاقپارات ءتىلشىسى.

بۇگىن تالدىقورعاندا العاشقى سوت وتىرىسى ءوتتى.

«باستاپقىدا سوت پروتسەسى جابىق بولادى دەپ جوسپارلانعان. ءبىراق قازىر اشىق ءوتىپ جاتىر»، - دەدى جەتىسۋ وبلىستىق سوتى باسپا ءسوز قىزمەتىنىڭ وكىلى نۇرسۇلتان ورىنباساروۆ.

بۇگىن باس پروكۋراتۋرا ۇسىنعان فيلمدە الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆتىڭ جۇمىس ورنىن تاستاپ كەتىپ بارا جاتقان ۆيدەوسى جاريالانعان.

«مىنا كادرلاردان الماتى وبلىستىق پوليتسيا دەپارتامەنتىنىڭ بۇرىنعى باستىعى، سول كەزدە كومەندانت بولعان سەرىك كۇدەبايەۆتىڭ مەكەمە عيماراتىن تاستاپ كەتكەنىن كورۋگە بولادى»، - دەپ باياندالعان فيلمدە.

ەسكە سالساق، الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلعان بولاتىن.

ول 2020-جىلدان باستاپ 2022-جىلدىڭ قاڭتارىنا دەيىن الماتى وبلىسى پوليتسيا دەپارتامەنتىنىڭ باستىعى قىزمەتىن اتقارعان.

2022-جىلدىڭ 18- اقپانىندا ول ىشكى ىستەر ورگاندارىنان ءوز ەركىمەن بوساتىلدى.

سوڭعى جاڭالىقتار