باس پروكۋراتۋرا ديكي ارماندى ۇستاۋعا رەسەيدىڭ ارالاسقانى تۋرالى اقپاراتتى جوققا شىعاردى

None
استانا. قازاقپارات – ق ر باس پروكۋرورى بەرىك اسىلوۆ كۇدىكتى ا. جۇماگەلديەۆتى (لاقاپ اتى «ديكي ارمان») ۇستاۋعا رەسەي جاعىنىڭ قاتىستى بولۋى تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

ءماجىلىستىڭ جالپى وتىرىسىنان كەيىن بولعان باسپا ءسوز ءماسليحاتىندا تىلشىلەر باس پروكۋروردان كۇدىكتى «ديكي ارماننىڭ» مالىمدەمەسى جايىندا سۇرادى. وسىعان دەيىن بۇقارالىق اقپارات قۇرالدارىندا جاريالانعان اقپاراتتا «ديكي ارمان» وزىنە قاتىستى ىسكە رەسەيدىڭ ارالاسقانىن العا تارتقان.

ءوز كەزەگىندە ب. اسىلوۆ بۇل اقپارات شىندىققا جاناسپايتىنىن ايتتى.

«بۇل وتىرىك اقپارات. بىزدە ونداي مالىمەت جوق»، - دەدى باس پروكۋرور.

بۇدان بۇرىن حابارلانعانداي، بۇگىن بەرىك اسىلوۆ ماجىلىستە قاڭتار وقيعاسىندا ديكي ارمان قانداي قىلمىستار جاساعانىن ايتىپ بەردى.

ونى قاماۋدا ۇستاۋ مەرزىمى 2023-جىلدىڭ 7- قاڭتارىنا دەيىن ۇزارتىلدى.

سوڭعى جاڭالىقتار