ابزال قۇسپان قاڭتار وقيعاسى قايتالانباۋىنىڭ جالعىز جولىن اتادى
بۇل تۋرالى ءماجىلىستىڭ جالپى وتىرىسىندا «امانات» قوعامدىق كوميسسياسىنىڭ ءتوراعاسى ابزال قۇسپان ايتتى، دەپ حابارلايدى قازاقپارات ءتىلشىسى.
«وسى جەردە وتىرعان بيلىك وكىلدەرىن بولسىن، دەپۋتاتتار، قوعام بەلسەندىلەرى، جالپى ەلدەگى پروبلەمالارعا بەي-جاي قارامايتىن سانالى ازاماتتاردى مازالايتىن باستى ماسەلە ول - قاسىرەتتى قاڭتار سياقتى وقيعالاردىڭ بولاشاقتا قايتالانۋىن بولدىرماۋ دەپ بىلەمىن. ونىڭ جالعىز عانا جولى مەملەكەت باسشىسى بەكىتكەن جاڭا قازاقستان - ادىلەتتى قازاقستان كونتسەپتسياسىنىڭ ءسوز جۇزىندە قالىپ قويماي ىسكە اسۋىندا جاتىر. ولاي دەۋىمىزگە سەبەپ، ءبىز كوميسسيا قۇرامىندا ءجۇرىپ، قاماۋداعى ازاماتتارمەن جەكە كەزدەسۋ، سۇحباتتاسۋ بارىسىندا ولاردىڭ الاڭعا شىعۋىنا تۇرتكى بولعان ەڭ نەگىزگى فاكتور ول - ادىلەتسىزدىك ەكەنىنە كوز جەتكىزدىك. ياعني، الەۋمەتتىك-ەكونوميكالىق جاعدايدان بۇرىن وسى ادىلەتسىزدىككە دەگەن توزبەستىك سەزىم ەلدىڭ جاپپاي الاڭعا شىعۋىنا شەشۋشى ءرول اتقارعان دەگەن قورىتىندىعا كەلدىك»، - دەدى ول.
