كارىم ءماسىموۆ ءىسى «اسا قۇپيا» رەجيمىندە تەرگەلدى - باس پروكۋرور

استانا. قازاقپارات – ق ر باس پروكۋرورى بەرىك اسىلوۆ ماجىلىستە ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ ءىسى تۋرالى ايتىپ بەردى، دەپ حابارلايدى قازاقپارات ءتىلشىسى.

«وزدەرىڭىز بىلەتىندەي، ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ماسىموۆكە قاتىستى مەملەكەتكە وپاسىزدىق جاساۋ جانە باسقا دا اسا اۋىر قىلمىستار تۋرالى ءىس «اسا قۇپيا» رەجيمىندە تەرگەلدى. ماتەريالداردى جاريالاۋعا شەكتەۋ قويىلعان، ويتكەنى ولاردا مەملەكەتتىك قۇپيالار بار. ىستە سىرتقى ساياسي، قارسى بارلاۋ جانە جەدەل- ىزدەستىرۋ قىزمەتىنە قاتىستى مالىمەتتەر بار. ولاردى جاريالاۋ ۇلتتىق قاۋىپسىزدىك مۇددەلەرىنە نۇقسان كەلتىرۋى مۇمكىن»، - دەدى بەرىك اسىلوۆ ءماجىلىستىڭ بۇگىنگى وتىرىسىندا.

قىلمىستىق ءىس قازىر سوتتا قارالىپ جاتىر. باس پروكۋروردىڭ ايتۋىنشا، ۇ ق ك- ءنىڭ بۇرىنعى ءتوراعاسى ءماسىموۆ پەن ونىڭ بۇرىنعى ورىنباسارى سادىقۇلوۆ مەملەكەتكە وپاسىزدىق جاساۋ؛ بيلىكتى كۇشتەپ باسىپ الۋعا باعىتتالعان ارەكەتتەر؛ لاۋازىمدىق وكىلەتتىكتەردى اسىرا پايدالانۋ بويىنشا سوتقا بەرىلدى.

«تاعى ءبىر بۇرىنعى ورىنباسارى ەرعوجين بيلىكتى كۇشتەپ باسىپ الۋعا باعىتتالعان ارەكەتتەر جانە لاۋازىمدىق وكىلەتتىكتەردى اسىرا پايدالانۋ بويىنشا ايىپتالۋدا. سونداي- اق بۇرىنعى ورىنباسارى وسيپوۆكە جانە ۇ ق ك بولىمشەلەرىنىڭ باسقا باسشىلارىنا وكىلەتتىكتەردى اسىرا پايدالانۋ ايىبى تاعىلىپ وتىر. باسقا اقپاراتتى اشا المايمىن. قاستاندىقتىڭ ناقتى ەگجەي- تەگجەيىن ايتۋعا قۇقىعىم جوق»، - دەدى بەرىك اسىلوۆ.

بۇعان دەيىن بەرىك اسىلوۆ قاڭتار وقيعاسىندا ديكي ارمان مەن قايرات قۇدايبەرگەننىڭ قانداي قىلمىستار جاساعانىن ايتقان ەدى. «ديكي ارمان» بەيبىت تۇرعىنداردى قوناقۇيلەردىڭ پاركينگىندە كۇشپەن ۇستاعان.

سونداي- اق، شابۋىلداۋشىلارعا وق اتۋ پرەزيدەنت بۇيرىعىنان بۇرىن باستالعان.

اۆتور

ايجان سەرىكجان قىزى