قاڭتار وقيعاسىندا قاي وڭىرلەردە ادام ءولىمى ءجيى تىركەلدى

استانا. قازاقپارات – ق ر باس پروكۋرورى بەرىك اسىلوۆ ماجىلىستە قاڭتار وقيعاسىندا قازا تاپقاندار تۋرالى مالىمەتتى ۇسىندى، دەپ حابارلايدى قازاقپارات ءتىلشىسى.

«شابۋىلدى تويتارۋ كەزىندە، توتەنشە جاعداي مەن انتيتەرروريستىك وپەراتسيا بارىسىندا 238 ادام قايتىس بولدى. ونىڭ ىشىندە 41 ادام بۇرىن سوتتالعان. قازا بولعاندار سانى تۋرالى مالىمەت دۇرىس، جۇرگىزىلگەن تەرگەۋ اياسىندا مۇقيات تەكسەرىلدى»، - دەدى بەرىك اسىلوۆ ءماجىلىستىڭ بۇگىنگى وتىرىسىندا.

باس پروكۋروردىڭ ايتۋىنشا، قازا تاپقاندار ىشىندە 67 ادام شابۋىلداۋشى بولىپ تانىلدى، ياعني جاپپاي تارتىپسىزدىككە قاتىسقان كۇدىكتىلەر؛ 142 ادام توتەنشە جاعداي مەن انتيتەرروريستىك وپەراتسيا رەجيمىن بۇزۋشىلار؛ 4 ادام باسقا دا قىلمىستار جاساۋ كەزىندە مەرت بولعان.

«جالپى، الماتى قالاسىندا 151 ادام قازا بولدى. ولاردىڭ كوبى - پرەزيدەنت رەزيدەنتسياسىن شابۋىلداۋ كەزىندە قازا تاپقان. ادام ءولىمى تاعى قىزىلوردا (26)، شىمكەنت (20) جانە تاراز قالالارىندا (17) ورىن الدى»، - دەدى بەرىك اسىلوۆ.