كەلەسى جىلعا دەيىن كيىكتەردى اتۋعا بولمايدى - ەكولوگيا مينيسترلىگى
ەكولوگيا جانە تابيعي رەسۋرستار مينيسترلىگىنىڭ مالىمەتىنشە، قازاقستان اۋماعىندا كيىكتەردىڭ دۇنيەجۇزىلىك پوپۋلياتسياسىنىڭ %90 دان استامى مەكەندەيدى.
«اتالمىش جانۋارلاردىڭ سانىنىڭ ازايۋىنا بايلانىستى (2003 -جىلى 21 مىڭ باستى قۇرادى) ق ر ۇكىمەتى ولاردى قورعاۋ بويىنشا ءبىرقاتار كەشەندى شارالار قابىلدادى، ونىڭ ىشىندە كيىكتەردى پايدالانۋعا موراتوري ەنگىزىلدى.
قابىلدانعان شارالاردىڭ ارقاسىندا بۇگىنگى كۇنى كيىك سانى 1,3 ميلليون باسقا (تولدەۋ كەزەڭىنە دەيىن) جەتىپ وتىر، ايتا كەتۋ كەرەك، ولاردىڭ وڭتايلى سانى 700-800 مىڭدى قۇرايدى»، - دەلىنگەن مينيسترلىك حابارلاماسىندا.
بۇل رەتتە، اۋىل شارۋاشىلىعى جانۋارلارى مەن كيىكتەردىڭ اراسىندا جايىلىمدار مەن سۋاراتىن جەرلەر ءۇشىن باسەكەلەستىك كۇشەيدى، كيىكتەردىڭ ەگىن تاپتاۋ جاعدايلارى جيىلەدى. وسىعان بايلانىستى، مينيسترلىك 2023 -جىلى كيىك پوپۋلياتسياسىن باسقارۋ جونىندەگى بيولوگيالىق نەگىزدەمە اياسىندا ولاردى عىلىمي زەرتتەۋدى جوسپارلادى، ونىڭ بارىسىندا مىناداي ماسەلەلەر زەردەلەنەتىن بولادى:
1) كيىك پوپۋلياتسيالارىنىڭ دامۋ بولجامى؛
2) كيىكتەردىڭ ارەالى مەن كوشى- قون جولدارىن ناقتىلاۋ؛
3) كيىكتەردىڭ ازىقتىق بازاسىن زەردەلەۋ؛
4) اۋىل شارۋاشىلىعىمەن باسەكەلەستىكتى تومەندەتۋ بويىنشا ۇسىنىستار ازىرلەۋ.
وسىعان بايلانىستى، ق ر ە ت ر م ورمان شارۋاشىلىعى جانە جانۋارلار دۇنيەسى كوميتەتى عىلىمي- زەرتتەۋ جۇمىستارى كەزەڭىندە 2022 -جىلعى 28-جەلتوقسانداعى بۇيرىقپەن رەسپۋبليكانىڭ بۇكىل اۋماعىندا كيىكتەردى، ولاردىڭ بولىكتەرى مەن دەريۆاتتارىن پايدالانۋعا موراتوريدى عىلىمي نەگىزدەمەگە سايكەس 2024 -جىلعا دەيىن ۇزارتتى.
