21:13, 04 - قاڭتار 2023 | GMT +6
نۇرسۇلتانوۆ الىمحان ۇلىمەن جەكپە-جەككە قاتىستى ويىن ايتتى
استانا. قازاقپارات - ورتا سالماقتا WBO International تيۋلىنا يە قازاقستاندىق مەيىرىم نۇرسۇلتانوۆ وسى ديۆيزيوندا تولىققاندى چەمپيون جانىبەك الىمحان ۇلىمەن جەكپە-جەك مۇمكىندىگى قانشالىقتى ىقتيمال ەكەنىن ايتتى.
«قازىرگى تاڭدا WBC رەيتينگىندە جاقسى كوتەرىلىپ كەلەمىن. ارى قاراي دا WBC بويىنشا ىلگەرلەگەنىم ءجون بولار. الىمحان ۇلىمەن جەكپە-جەك؟ مەن ازىرگە مىندەتتى قارسىلاس بولا قويمايتىن شىعارمىن، ءبىزدىڭ مەنەدجەرىمىز دە ءبىر. الدا كورەرمىز، ءبىراق ولاي بولا قويماس»، - دەيدى بوكسشى Qazsport ارناسىنا بەرگەن سۇحباتىندا.
ەسكە سالايىق، 29 جاستاعى مەيىرىم قازان ايىندا وتكەن كەيىنگى ايقاسىندا ارگەنتينالىق مارسەلو ەستەبان كوسەرەستى ۇپاي سانىمەن جەڭگەن ەدى.
