جاڭا ەكولوگيا ءمينيسترى ءزۇلفيا سۇلەيمەنوۆا تۋرالى نە بىلەمىز

استانا. قازاقپارات - بۇگىن ەلىمىزدە ءبىرقاتار كادرلىق اۋىس-ءتۇيىس بولدى. سونىڭ ءبىرى ءزۇلفيا سۇلەيمەنوۆا ق ر ەكولوگيا جانە تابيعي رەسۋرستار ءمينيسترى بولىپ تاعايىندالدى.

وسى ورايدا قازاقپارات ءتىلشىسى 32 جاستاعى جاڭا ءمينيستردىڭ قىزمەتتە ءجۇرىپ وتكەن جولىنا ءۇڭىلىپ كوردى.

ءزۇلفيا سۇلەيمەنوۆا 1990-جىلى 25- اقپاندا اقتوبەدە دۇنيەگە كەلگەن.

ءۇش ءتىلدى (قازاق، ورىس جانە اعىلشىن) مەڭگەرگەن.

جاڭا مينيستر ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ باكالاۆرياتى مەن ماگيستراتۋراسىن ءتامامداعان. ماماندىعى - «حالىقارالىق قاتىناستار».

سونداي-اق، جاپونيانىڭ ۇلتتىق ساياسي زەرتتەۋلەر ينستيتۋتىندا «قاۋىپسىزدىك جانە حالىقارالىق زەرتتەۋلەر» باعدارلاماسىن بىتىرگەن.

PhD دارەجەسى بار جانە پرەزيدەنتتىك جاستار كادر رەزەرۆىنىڭ مۇشەسى.

ەلىمىزدىڭ باس ەكولوگى قورشاعان ورتانى قورعاۋ جانە دامىتۋ ماسەلەلەرىمەن اينالىسادى.

اتاپ ايتقاندا، سىرداريا وزەنى باسسەينىندە ترانسشەكارالىق سۋ ىنتىماقتاستىعى بويىنشا ديسسەرتاتسيا جازدى.

ءزۇلفيا سۇلەيمەنوۆا وسىدان ءتورت جىل بۇرىن، كادر رەزەرۆىنە ەندى تۇسكەن كەزدە تاجىريبەسى مەن ءبىلىمىن قازاقستاننىڭ وركەندەۋى ءۇشىن ەكولوگيا ماسەلەلەرىن شەشۋگە ارناعىسى كەلەتىنىن ايتقان ەدى.

«حابار 24» تەلەارناسىنا بەرگەن سۇحباتىندا جاڭا ەكولوگيا ءمينيسترى ءوزىنىڭ ءومىر سالتى تۋرالى ايتىپ بەردى.

«ءبىر پيدجاكتى تىگۋگە شامامەن 12-15 مىڭ ليتر سۋ جۇمسالادى. وسى ورايدا سۋ، ەكولوگيا ماسەلەلەرىنە قاتتى الاڭدايمىن. مەن ادەيى اڭ تەرىسىنەن جاسالعان كيىمدەردى كيمەيمىن. ويتكەنى، جانۋارلارعا قامقور بولۋدى وزىمىزدەن باستاۋىمىز كەرەك دەپ سانايمىن. سونىمەن قاتار ەت جەمەيمىن، ءجۇن ونىمدەرىنەن دە باس تارتقانمىن، سول سياقتى جانۋارلارعا تەكسەرىلگەن كوسمەتيكانى قولدانبايمىن. ودان بولەك، حايۋاناتتار باعى مەن دەلفيناريگە بارمايمىن»، - دەپ ءبولىستى ز. سۇلەيمەنوۆا.

ايتا كەتەيىك، بۇگىن ءزۇلفيا سۇلەيمەنوۆا مەملەكەت باسشىسىنىڭ جارلىعىمەن ق ر ەكولوگيا جانە تابيعي رەسۋرستار ءمينيسترى لاۋازىمىنا تاعايىندالدى.