بيلل گەيتس ادام دەنەسىن كومپيۋتەرلەندىردى مە؟
بۇل اقپارات شىندىققا جاناسپايدى، - دەپ حابارلايدى stopfake.kz.
مۇندا 6754472№ پاتەنت تۋرالى ايتىلىپ وتىر. ول قۇپيا ەمەس جانە بارشاعا قولجەتىمدى. 2000-جىلى Microsoft وسى پاتەنتكە ءوتىنىم بەردى. 2004-جىلى ءوتىنىم ماقۇلداندى، بۇل تۋرالى بۇقارالىق اقپارات قۇرالدارىندا كوپ جازىلدى.
ايتا كەتەيىك، بيلل گەيتس 2000-جىلى Microsoft كورپوراتسياسىنىڭ باس ديرەكتورى وكىلەتتىگىن، ال 2008-جىلى كومپانياداعى كۇندەلىكتى جۇمىسىن توقتاتتى. 2020-جىلى گەيتس Microsoft ديرەكتورلار كەڭەسىندەگى قىزمەتىنەن كەتتى.
بۇل پاتەنت گەيتستىڭ وزىنە ەمەس، Microsoft كومپانياسىنا بەرىلگەندىكتەن، سيپاتتالعان تەحنولوگياعا مەنشىك قۇقىعى بيلل گەيتسكە ەمەس، كىم باسقارسا دا، كومپانياعا تيەسىلى.
پاتەنتتە سيپاتتالعان يدەيا ادام تاعاتىن بارلىق قۇرىلعىنى بىرىكتىرۋ بولدى. مىسالى، ماتىندە سول كەزدە ءالى بولماعان سىمسىز قۇلاققاپتار، سمارت ساعاتتار، ءتىپتى پەيدجەردى، تەلەفوندى جانە ويناتقىشتى ءبىر ۋاقىتتا باسقارا الاتىن پورتاتيۆ پەرنەتاقتا دا سيپاتتالعان. پاتەنتتە مۇنىڭ ءبارىن ادام تەرىسىنىڭ تابيعي قاسيەتتەرىن زەرتتەۋ جانە پايدالانۋ ارقىلى بىرىكتىرۋ ۇسىنىلدى.
بۇگىندە، پاتەنتكە ءوتىنىم بەرگەننەن كەيىن 22-جىل وتكەن سوڭ، ونىڭ ءماتىنى ەسكىرگەن جانە كەيبىر جەرلەردە كۇلكىلى بولىپ كورىنەدى. ادامدار پەيدجەرلەر مەن MP3 ويناتقىشتارىن پايدالانۋدى الدەقاشان توقتاتقان، ال پورتاتيۆ پەرنەتاقتا قاجەت ەمەس. تەرىنىڭ دە قاسيەتتەرى قولدانىلمايدى. قازىر سىمسىز قۇلاققاپتى، سمارتفوندى جانە سمارت-ساعاتتى Bluetooth تەحنولوگياسىمەن بىرىكتىرۋگە بولادى. ونىڭ ارقاسىندا تەلەفوندا ويناعان مۋزىكانى قۇلاققاپتا ەستيمىز، ال سمارت-ساعاتتىڭ ەكرانىندا مەسسەندجەردەگى جاڭا حابارلاما تۋرالى حابارلاما جازىلادى.
جوعارىدا ايتىلعانداردىڭ ناتيجەسىندە، پاتەنتتە سيپاتتالعان تەحنولوگيا مۇلدەم جۇزەگە اسىرىلماعان جانە بۇل ەكىتالاي دەگەن قورىتىندى جاساۋعا بولادى. ويتكەنى وندا سيپاتتالعان ادىستەر ەسكىرگەن. ماتىندە دەنەلەردى كومپيۋتەرلەندىرۋ تۋرالى ەمەس، ادامدار تاعاتىن قۇرىلعىلاردى بىرىكتىرۋ تۋرالى جازىلعان.
ءوتىنىمدى بيلل گەيتستىڭ ءوزى ەمەس، Microsoft كومپانياسى بەرگەن، دەمەك، بۇل پاتەنت گەيتسكە ەشقانداي قۇقىق بەرمەيدى.
دەمەك، تارالعان حابارلاما - فەيك.
