15:30, 04 - قاڭتار 2023 | GMT +6
فونوگراممامەن ءان ايتۋعا تىيىم سالىندى
بىشكەك. قازاقپارات - قىرعىزستاندا 2023-جىلدىڭ قاڭتارىنان باستاپ فونوگراممامەن ءان ايتۋعا تىيىم سالىندى.
ءتيىستى بۇيرىققا قىرعىزستان رەسپۋبليكاسىنىڭ مادەنيەت، اقپارات، سپورت جانە جاستار ساياساتى ءمينيسترى قول قويدى، دەپ حابارلايدى قازاقپارات ءتىلشىسى ۆەدومستۆونىڭ باسپا ءسوز قىزمەتىنە سىلتەمە جاساپ.
قۇجاتتا بارلىق مەملەكەتتىك مادەني-اعارتۋ مەكەمەلەرى، اتاپ ايتقاندا، تەاتر، سپورت مەكەمەلەرى، فيلارمونيا، كونسەرتتىك زال، كينوتەاتر، كلۋب، مۇراجايلار، مينيسترلىك قاراماعىنداعى كىتاپحانالاردا وتكىزىلەتىن كونسەرتتەردەگى ۆوكالدىق قويىلىمداردىڭ بارلىعىندا جاندى داۋىسپەن ونەر كورسەتۋ كەرەكتىگى ايتىلعان.
بۇيرىق 1- قاڭتاردان باستاپ كۇشىنە ەندى. ونىڭ ورىندالۋىنا جاۋاپكەرشىلىك وسى مەكەمەلەردىڭ باسشىلارىنا جۇكتەلەدى. بۇيرىقتىڭ ورىندالۋىن مينيستر قاداعالايتىن بولادى.
