مارات قارابايەۆ ق ر يندۋستريا جانە ينفراقۇرىلىمدىق دامۋ ءمينيسترى لاۋازىمىنا تاعايىندالدى
بۇل تۋرالى قازاقپارات اقوردانىڭ رەسمي سايتىنا سىلتەمە جاساپ حابارلايدى.
سونداي-اق مەملەكەت باسشىسىنىڭ جارلىعىمەن قايىربەك ايتباي ۇلى وسكەنبايەۆ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى لاۋازىمىنان بوساتىلدى.
مارات قارابايەۆ 1987 -جىلى وزبەكستان رەسپۋبليكاسىنىڭ تاشكەنت وبلىسىندا تۋعان. تاشكەنت اۆتوموبيل جولى ينستيتۋتىن، ۋورۆيك ۋنيۆەرسيتەتىن ( ۇلى بريتانيا)، م. ح. دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن.
ەڭبەك جولىن 2011 -جىلى ق ر اۋىل شارۋاشىلىعى مينيسترلىگىنىڭ سۋ شارۋاشىلىعى كوميتەتىنىڭ سۋ شارۋاشىلىعى يماراتتارىنىڭ جەلىلەرىن پايدالانۋ جانە دامىتۋ باسقارماسى ساراپشىسىنىڭ م. ا. رەتىندە باستادى.
2011 -جىلدان 2013 -جىل ارالىعىندا – ق ر يندۋستريا جانە جاڭا تەحنولوگيالار مينيسترلىگى جاڭا تەحنولوگيالار جانە ەنەرگيا ۇنەمدەۋ دەپارتامەنتى سەرۆيستىك يندۋستريانى تەحنولوگيالىق دامىتۋ باسقارماسىنىڭ ساراپشىسى، باس ساراپشىسى.
2014-2015 -جىلدارى - وڭتۇستىك قازاقستان وبلىسى كاسىپكەرلىك جانە يندۋستريالدى- يننوۆاتسيالىق دامۋ باسقارماسى باسشىسىنىڭ ورىنباسارى م. ا.
2015-2017 -جىلدارى - وڭتۇستىك قازاقستان وبلىسىنىڭ كاسىپكەرلىك جانە يندۋستريالدى- يننوۆاتسيالىق دامۋ جانە تۋريزم باسقارماسىنىڭ باسشىسىنىڭ ورىنباسارى، باسشىسى.
2018-2019 -جىلدارى – ق ر سيفرلىق دامۋ، قورعانىس جانە اەروعارىش ونەركاسىبى مينيسترلىگىنىڭ قورعانىس- ونەركاسىپ كەشەنىن دامىتۋ دەپارتامەنتىندە باسشىلىق قىزمەتتەر اتقاردى.
2019 -جىلعى تامىزدان 2020 -جىلعى شىلدە ارالىعىندا قر يندۋستريا جانە جاڭا تەحنولوگيالار مينيسترلىگىنىڭ قورعانىس- ونەركاسىپ كەشەنىن دامىتۋ دەپارتامەنتىنىڭ ديرەكتورى قىزمەتىن اتقاردى.
2020 -جىلعى شىلدەدەن 2021 -جىلعى قاڭتارعا دەيىن - ق ر ي ي د م يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى.
2021 -جىلعى قاڭتاردان باستاپ قازىرگى ۋاقىتقا دەيىن ق ر ي ي د م يندۋستريالىق دامۋ كوميتەتىنىڭ ءتوراعاسى بولىپ جۇمىس ىستەدى.
