قازاقستاندا تەمەكى قىمباتتادى

جاۋاپتى ورگانداردىڭ شەشىمىنە سايكەس، ەڭ ارزان تەمەكى ەندى 630 تەڭگەدەن ساتىلادى. ال سالادا جۇرگەن كاسىپكەرلەردىڭ ايتۋىنشا، بۇل سوما 650 تەڭگە شاماسىندا بولۋى كەرەك. ويتكەنى بۇل ونىمدەر نەگىزىنەن شەتەلدەن اكەلىنەدى. ال قازىرگى ۆاليۋتا باعامى تەمەكى قۇنىن ءبىر دەڭگەيدە ۇستاپ تۇرۋعا كەلمەيدى.

عالىمداردىڭ زەرتتەۋلەرىنە سۇيەنسەك، ەلىمىزدە 4 ميلليونعا جۋىق ادام تەمەكى تارتادى. الايدا بۇل تەك رەسمي اقپارات. شىن مانىندە ولاردىڭ سانى الدەقايدا كوپ. سايكەسىنشە مۇنداي ونىمگە دەگەن سۇرانىس تا ءاردايىم جوعارى.

تەمەكى باعاسى قانشا وسسە دە ونى ساتىپ الاتىندار قاتارى ازايار ەمەس. ءبىراق كاسىپكەرلەردىڭ مالىمدەۋىنشە، ونىڭ قىمباتتاۋ سەبەبى باسقا.

ء«بىز بيزنەس ءار قورابىنىڭ باعاسى 650 تەڭگەدەن كەم بولماۋى دەپ ۇسىندىق. ەڭ تومەنگى باعا ادال تەمەكى ونىمدەرىن اكەلەتىن كومپانيالار، وندىرىستەگى زاتراتالار، شيكىزاتتار، راسحودتار، 10-15 پايىز پايداسى بار. كۇردەلى ساۋدادا كوتەرمە ساۋدادا قوساتىن ۇلەسى ەڭ تومەنگى باعا قانداي ەكەنىن كورسەتەدى»، - دەيدى «قازالكوتاباك» قاۋىمداستىعىنىڭ پرەزيدەنتى ءامىرجان قاليەۆ.

تەمەكىنىڭ قىمباتتاۋىنا اكسيز باعاسىنىڭ ءوسۋى دە اسەر ەتىپ وتىر. بۇل نورما جاقىندا مەملەكەت باسشىسى قول قويعان سالىق كودەكسىندە قاراستىرىلعان. جاۋاپتى ۆەدومستۆو وكىلدەرىنىڭ مالىمدەۋىنشە، مۇنداي شەشىم تەمەكى تارتاتىندار سانىن ازايتۋعا باعىتتالعان.

«1-قاڭتاردان اكسيز ۇلعايتىلادى. 2022 -جىلى 100000 دانا فيلترلى تەمەكى 12300 تەڭگە اكسيز قاراستىرىلسا، 2023 -جىلدان باستاپ 1000 دانا فيلترلى تەمەكى 14100 تەڭگە اكسيز مولشەرلەمەسى بولادى. 2024 -جىلدان باستاپ 1000 دانا فيلترلى تەمەكى 15900 بولادى. قازىر حالىقتىڭ اراسىندا قىزدىرىلعان تەمەكى دە اكسيز مولشەرلەمەسى ۇلعايتىلادى»، - دەيدى ق ر ۇلتتىق ەكونوميكا مينيسترلىگى دەپارتامەنتىنىڭ باس ساراپشىسى جازيرا مىڭبايەۆا.