الماتى-قوستاناي ۇشاعى تەحنيكالىق اقاۋعا بايلانىستى اۋەجايعا قايتا ورالدى
«ك س7141 رەيسى كەستە بويىنشا ساعات 12:10 دا ۇشقانىن حابارلايمىز. الايدا، تەحنيكالىق اقاۋعا بايلانىستى ۇشاق اۋەجايعا قايتا ورالدى. ەكيپاجدىڭ ۋاقىتى اياقتالدى. قوسىمشا ەكيپاج ۇسىنۋ مۇمكىندىگى بولماعاندىقتان، رەيستى توقتاتۋ تۋرالى شەشىم قابىلداندى»، - دەلىنگەن حابارلامادا.
FlyArystan اۋە كومپانياسىنىڭ رەسمي اقپاراتىندا ايتىلعانداي، توقتاتىلعان رەيس جولاۋشىلارىنا بيلەت قۇنىن تولىقتاي قايتارۋ نەمەسە بالاما رەيستەرگە قايتا برونداۋ ۇسىنىلادى.
«ۋاقتىلى ۇشا الماعان جولاۋشىلارعا سۋسىندار مەن تاماق بەرىلدى. سونىمەن قاتار، بوس ورىندار بولعان جاعدايدا جولاۋشىلاردى قوناق ۇيگە قونىستاندىرۋ نەمەسە جولاۋشىنىڭ تۇرۋ شىعىنىن وتەۋ ۇسىنىلادى»، - دەيدى كومپانيادان.
