جەڭىس قاسىمبەك استانالىقتار جەكە قابىلداۋىنا قالاي جازىلا الاتىنىن ايتتى

استانا. قازاقپارات - استانا اكىمى جەڭىس قاسىمبەك قالا تۇرعىندارىنا جەكە قابىلداۋعا قالاي جازىلۋعا بولاتىنىن ەسكە سالدى، دەپ حابارلايدى قازاقپارات.

«ازاماتتاردى قابىلداۋعا egov.kz، e-otinish پورتالى نەمەسە قالا اكىمدىگىنىڭ كەڭسەسى ارقىلى جازىلۋعا بولادى. ءوزارا بايلانىستى كۇشەيتۋدە الەۋمەتتىك ورتالىقتاردىڭ دا كومەگى زور: «جانۇيا» وتباسى ينستيتۋتىن قولداۋ ورتالىعى (بەيبىتشىلىك كوشەسى، 14)، تۇرعىن ءۇي سالاسىندا قىزمەت كورسەتۋ جونىندەگى ءبىرىڭعاي ورتالىق (رەسپۋبليكا داڭعىلى، 32)»، - دەپ جازدى قالا باسشىسى Instagram-داعى جەكە پاراقشاسىندا.

جەلتوقسان ايىنىڭ باسىندا استانا اكىمى لاۋازىمىنا كىرىسكەن جەڭىس قاسىمبەك قالا تۇرعىندارىن اپتا سايىن جەكە قابىلدايدى.

29- جەلتوقساندا وتكەن قابىلداۋ بارىسىندا ەلوردالىقتار ءبىرقاتار پروبلەما كوتەرگەن.

«ول ماسەلەلەردىڭ شەشىلۋ بارىسىن باقىلاۋدا ۇستايمىن. قازىر قابىلداۋىمدا 100 دەن استام وتباسى كەزەكتە تۇر، ال ولاردىڭ قاتارى ۋاقىت وتكەن سايىن ارتىپ كەلەدى. پروبلەمالاردى بارىنشا جەدەل شەشۋگە تىرىسامىز. ازاماتتاردى قابىلداۋ جۇمىسى اپتا سايىن وتكىزىلەدى، ونىڭ ىشىندە قالا تۇرعىندارىمەن جەرگىلىكتى ورىنداردا كەزدەسۋدى دە جالعاستىرامىز»، - دەدى ج. قاسىمبەك.