بالالار نەلىكتەن ءجيى قىلمىستىڭ قۇربانى بولادى - پوليتسيا تالداۋى
«تالداۋ كورسەتكەندەي، كامەلەتكە تولماعاندار كەلەسى سەبەپتەرگە بايلانىستى قىلمىستىڭ قۇربانى بولادى: بالانى اتا-انا باقىلاۋىنسىز قالدىرۋ، بالانىڭ سەنگىشتىگى، ينتەرنەتتى باقىلاۋسىز قولدانۋ، مورالدىق قۇندىلىقتار دەڭگەيىنىڭ تومەندىگى، وتباسىنداعى ناشار الەۋمەتتىك جاعداي. اتالعان سەبەپتەر تەك قانا كۇشتەۋ شارالارىن قولدانۋمەن تولىق شەشىلمەيدى. الەۋمەتتىك قىزمەتتەردى تارتا وتىرىپ، بالالاردىڭ قۇقىقتارىن قورعاۋ جانە ۇكىمەتتىك ەمەس ۇيىمدارمەن كەشەندى ءتاسىل قۇرۋ قاجەت»، - دەپ ۇسىنىس ءبىلدىردى قايسار سۇلتانبايەۆ.
سونىمەن قوسا ول، جىل سايىن بالا تاربيەسىنە نەمقۇرايلى قاراعان 1 مىڭعا جۋىق قازاقستاندىق اتا-انا قۇقىعىنان ايىرىلاتىنىن ءمالىم ەتتى.
