گۇلسارا ارىستانقۇلوۆا ق ر- دىڭ موناكوداعى ەلشىسى، يۋنەسكو- داعى تۇراقتى وكىلى قىزمەتىن قوسا اتقارادى
بۇل تۋرالى قازاقپارات اقوردانىڭ رەسمي سايتىنا سىلتەمە جاساپ حابارلايدى.
گۇلسارا مەرەي قىزى ارىستانقۇلوۆا 1971 -جىلى 15-قازاندا جامبىل وبلىسىندا دۇنيەگە كەلگەن. قازاق مەملەكەتتىك الەم تىلدەرى ۋنيۆەرسيتەتىن، «بولاشاق» باعدارلاماسى بويىنشا ستراسبۋرگ قالاسىنىڭ گۋمانيتارلىق عىلىمدار ۋنيۆەرسيتەتىن جانە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن. حالىقارالىق قاتىناستار سالاسىنداعى دوكتور.
ديپلوماتيالىق قىزمەتىن 1998 -جىلى قازاقستاننىڭ بەلگياداعى ەلشىلىگىنىڭ اتتاشەسى رەتىندە باستادى. ق ر س ءى م ورتالىق اپپاراتىندا ت م د ىستەرى جونىندەگى كوميتەتتىڭ ەكىنشى، ءبىرىنشى حاتشىسى، حالىقارالىق اقپارات كوميتەتىنىڭ باسقارما باسشىسى لاۋازىمدارىن اتقاردى. 2003-2007 -جىلدارى قازاقستاننىڭ فرانتسياداعى ەلشىلىگىندە ەكىنشى، ودان كەيىن ءبىرىنشى حاتشى بولىپ جۇمىس ىستەدى.
2008 -جىلدان باستاپ قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىندا كونسۋلتانت، سەكتور مەڭگەرۋشىسى بولىپ جۇمىس ىستەدى جانە قازاقستاننىڭ فرانسياداعى ەلشىسى لاۋازىمىنا تاعايىندالعانعا دەيىن ق ر پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمى مەڭگەرۋشىسىنىڭ ورىنباسارى بولدى.
فرانسۋز جانە اعىلشىن تىلدەرىن مەڭگەرگەن. Ⅱ سىنىپتى توتەنشە جانە وكىلەتتى ۋاكىل ديپلوماتيالىق دارەجەسىنە يە.
وسىعان دەيىن گۇلسارا ارىستانقۇلوۆانىڭ قازاقستاننىڭ فرانسياداعى ەلشىسى بولىپ تاعايىندالعانىن جازعان ەدىك.
