الماتىدا جاڭا جىل مەرەكەسى قالاي تويلانادى - فوتو

اتاپ ايتقاندا، 20-جەلتوقساننان 5-قاڭتارعا دەيىن رەسپۋبليكا سارايىنىڭ اۋماعىندا جاڭا جىلدىق فەستيۆال وتەدى.

فەستيۆال اياسىندا اباي الاڭىندا 26 كىشى ساۋلەت پىشىندەر، ءتۇرلى دۇكەندەرى مەن مەيرامحانالارى بار 30 ءۇي، سونداي-اق فوتوايماقتار ورناتىلدى. سونداي-اق قازاقستاندىق ەسترادا جۇلدىزدارىنىڭ قاتىسۋىمەن كونتسەرتتەر جوسپارلانعان:

- 29-جەلتوقسان ساعات 18:40-تا ساحنادا Ninety one توبىمەن Asiaلايۆ-بەندونەر كورسەتەدى؛

- 30-جەلتوقساندا ساعات 18:40-تا Nazima جانە Ava Band لايۆ- بەندساحنادا ونەرىن ۇسىنادى:

- 3-قاڭتاردا ساعات 18:40-تا لايۆ- بەند Guinness ونەرىن تاماشالاۋعا بولادى.

نەگىزگى مادەني شارالار 31-جەلتوقساندا «استانا» الاڭىندا - ساعات 21:00-23:50 ارالىعىندا ۇيىمداستىرىلادى. قازاقستاندىق ەسترادا جۇلدىزدارىنىڭ قاتىسۋىمەن مەرەكەلىك كونتسەرت جوسپارلانعان. كەشتىڭ جۇرگىزۋشىلەرى دانيار باتىربايەۆ، داۋلەت بيجانوۆ جانە انار باتىرحان. ساحنادا اباي بەگەي، ءمادينا ءسادۋاقاسوۆا، ءمولدىر اۋەلبەكوۆا، رانو وماروۆا، پارۆيز نازاروۆ، Luina، اسحات تارعىن، ديماش داۋلەتوۆ، نۇرسۇلتان نۇربەرديەۆ، «وردا»، Ninety One، «كەش-you»، «جىگىتتەر»، «شاميس» توپتارى، بۇركىت پەن ايشا، ءالي وقاپوۆ، ءمادي رىمبايەۆ اننەن شاشۋ شاشادى. پرەزيدەنتتىڭ قۇتتىقتاۋ سوزىنەن كەيىن قالادا 10 مينۋتقا جالعاساتىن مەرەكەلىك وتشاشۋ بولادى.

جاڭاجىلدىق فەستيۆال قازاقستاندىق ديزاينەرلەر مەن قولونەرشىلەر جاساعان بۇيىمداردىڭ جارمەڭكەسىنە جالعاسادى.

ەسكە سالساق، قالانىڭ باس شىرشاسى اباي الاڭىندا ورنالاسقان. ونىڭ بيىكتىگى 22 مەتر. شىرشا 350 ويىنشىق جانە 10 مىڭ مەرەكەلىك گيرلياندامەن بەزەندىرىلگەن.

قالادا بارلىعى 8 جاساندى شىرشا قويىلعان. ورنالاسقان جەرلەرى: «الماتى ارەنا» مۇز سارايىنىڭ الدىنداعى الاڭ؛ «استانا» الاڭى؛ اباي الاڭى؛ ن. ساتس اتىنداعى بالالار مەن جاسوسپىرىمدەر تەاترى الدىنداعى الاڭ؛ بالۋان شولاق اتىنداعى سپورت جانە مادەنيەت سارايىنىڭ اۋماعى؛ تۇڭعىش پرەزيدەنت ساياباعى؛ ع. مۇسىرەپوۆ اتىنداعى بالالار مەن جاسوسپىرىمدەر تەاترىنىڭ الدى؛ قبتۋ عيماراتىنىڭ الدىنداعى الاڭ.

الماتىدا 5 تەگىن مۇز ايدىنى اشىلعان - تۇڭعىش پرەزيدەنت ساياباعىنىڭ الدىندا، رەسپۋبليكا سارايىنىڭ الدىندا، اۋەزوۆ اۋدانىنداعى ىقىلاس، 9-مەكەنجايداعى تاۋگۇل ىقشاماۋدانىندا، ناۋرىزباي اۋدانى اكىمدىگىنىڭ الدىندا، تۇركسىب اۋدانىنداعى سەيفۋللين كوشەسى، 13-مەكەنجايداعى №6-وقۋشىلار ءۇيى الدىندا. جاقىن ارادا جەتىسۋ اۋدانىنداعى «گۇلدەر» ساياباعىندا تاعى ءبىر مۇز ايدىنى اشىلادى.