ايجان ەسماعامبەتوۆا: كوروناۆيرۋسپەن اۋرۋحاناعا تۇسكەندەردىڭ دەنى - ۆاكتسينا الماعاندار

بۇل تۋرالى دەنساۋلىق ساقتاۋ ۆيتسە- ءمينيسترى، مەملەكەتتىك باس سانيتاريالىق دارىگەر ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.

«كوروناۆيرۋستان ەمدەۋ كلينيكالىق حاتتاماعا سايكەس جۇرەدى. COVID-19-دىڭ قانداي شتامى انىقتالسا دا، ەمدەۋدە ءبىر ءادىس قولدانىلادى. ايتا كەتەتىن جايت، وميكرون شتامىنىڭ ەرەكشەلىگى - %96 جاعدايدا ناۋقاس ەمحانادا ەمدەلەدى، قالعان %4 جاعدايدا ستاتسيونارعا جاتقىزىلادى. بۇگىندە كوروناۆيرۋس جۇقتىرىپ ستاتسيونارعا تۇسەتىندەردىڭ دەنى - ۆاكتسينا الماعاندار. سونىمەن قاتار، سوزىلمالى اۋرۋى بارلار جانە جۇكتى ايەلدەر»، - دەدى ايجان ەسماعامبەتوۆا و ك ق- دە وتكەن بريفينگىدە.

ۆيتسە- ءمينيستردىڭ مالىمدەۋىنشە، قازىر 1500 گە جۋىق قازاقستاندىق كوروناۆيرۋستان ەم الىپ جاتىر. ونىڭ ىشىندە 300 پاتسيەنت ستاتسيونارلىق جاعدايدا، قالعانى ەمحانا ارقىلى.

«قازىر وكپەنى جاساندى جەلدەتۋ اپپاراتىندا (ي ۆ ل) 11 ادام جانە 2 ناۋقاسقا ينۆازيۆتى ەمەس جاساندى جەلدەتۋ اپپاراتى (نيۆل) قوسىلعان»، - دەيدى ول.

بۇعان دەيىن مينيستر ورىنباسارى كوروناۆيرۋستىڭ تارالۋ جاعدايىنا توقتالعان ەدى. ايجان ەسماعامبەتوۆانىڭ ايتۋىنشا، جەلتوقسان ايىندا قاراشامەن سالىستىرعاندا كوروناۆيرۋس جۇقتىرۋ 2,3 ەسە ارتقان.