باس پروكۋراتۋرا: «ديكي ارمانعا» قاتىستى قىلمىستىق ءىستى جاريا ەتۋگە بولمايدى

بۇل تۋرالى ق ر باس پروكۋراتۋراسىنان ءمالىم ەتتى، دەپ حابارلايدى قازاقپارات ءتىلشىسى.

«ارناۋلى پروكۋرورلار ا. جۇماگەلديەۆكە قاتىستى تەرگەۋدى اياقتادى. ول تانىسۋ ساتىسىندا. دەگەنمەن، قىلمىستىق ىسكە قاتىستى سوتقا دەيىنگى تەرگەۋ مالىمەتتەرى جاريا ەتۋگە جاتپايدى. سوندىقتان قازىرگى ۋاقىتتا اتالعان سوتقا دەيىنگى وندىرىسكە قاتىستى تولىققاندى اقپارات بەرۋ مۇمكىن ەمەس»، - دەلىنگەن باس پروكۋراتۋرانىڭ قازاقپارات ساۋالىنا بەرگەن جاۋابىندا.

ەسكە سالايىق، 7-قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلديەۆتى ۇستاعان بولاتىن.

كەيىن ق ر باس پروكۋراتۋراسى «ديكي ارمانىڭ» ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن جەتكىزدى.

ال 6-قاڭتاردا الماتى قالاسىنىڭ مامانداندىرىلعان اۋدانارالىق تەرگەۋ سوتى ونى قاماۋدا ۇستاۋ مەرزىمىن 2023 -جىلدىڭ 7-قاڭتارىنا دەيىن ۇزارتتى.