تۇرىك كاسىپكەرلەرى قازاقستاننىڭ اۋىل شارۋاشىلىعى وندىرىسىنە ينۆەستيتسيا سالماق
اتالعان ءىس-شاراعا ق ر اۋىل شارۋاشىلىعى ۆيتسە-ءمينيسترى ءابىلحايىر تامابەك باستاعان قازاقستاندىق دەلەگاتسيا قاتىسىپ قايتتى.
ۆيتسە-مينيستر فورۋمدا قازاقستاندا تۇقىم شارۋاشىلىعىن دامىتۋ بويىنشا جۇرگىزىلىپ جاتقان جۇمىستار تۋرالى ايتىپ بەردى.
اتاپ ايتقاندا، ول تۇرىك ارىپتەستەرىنە قازاقستاندا باستاپقى تۇقىم شارۋاشىلىعىن بىرلەسىپ دامىتۋ قاجەتتىلىگى تۋرالى ايتا وتىرىپ، ەلىمىزدىڭ اگروونەركاسىپ كەشەنىنە ينۆەستيتسيا سالۋعا شاقىردى.
فورۋمعا قاتىسۋشىلار ق ر ۇكىمەتى تاراپىنان بەلسەندى جۇرگىزىلىپ وتىرعان مەملەكەتتىك قولداۋ شارالارىنا قىزىعۋشىلىق تانىتتى.
پانەلدىك پىكىرتالاس قورىتىندىسى بويىنشا، قازاقستاندا تۇرىك كاسىپكەرلەرى ءۇشىن بىرلەسكەن جۇمىستىڭ پەرسپەكتيۆالى باعىتتارى رەتىندە كوكونىس ءوندىرۋ، باۋ-باقشا ءوسىرۋ، اۋىل شارۋاشىلىعى تەحنيكالارى مەن جابدىقتارىن ءوندىرۋ، جەمىستەر مەن كوكونىستەردى وڭدەۋ، قانت، كونديتەرلىك ونىمدەر ءوندىرۋ، سونداي-اق قانت قىزىلشاسىن، جەمىستەر مەن كوكونىستەردى تەرەڭ وڭدەۋ ونىمدەرىن ءوندىرۋ بولىپ كورىنەتىنى ايتىلدى.
سونداي-اق فورۋم قورىتىندىسى بويىنشا اۋىل شارۋاشىلىعى داقىلدارىنىڭ تۇقىم وندىرۋشىلەرىمەن بىرگە بىرنەشە كەزدەسۋلەر ءوتتى. سونىڭ ناتيجەسىندە ماقتا شارۋاشىلىعى، مايلى داقىلدار ءوندىرىسى سالاسىندا بىرلەسكەن عىلىمي زەرتتەۋلەر جۇرگىزۋ، سونداي-اق جاس عالىم سەلەكتسيونەرلەردىڭ تاعىلىمدامالارى تۋرالى ۋاعدالاستىققا قول جەتكىزىلدى.
