جاڭا جىلدى اباقتىدا قارسى الاتىن شەنەۋنىكتەر

ەلىمىزدە بۇل جىل قاندى قاڭتارمەن باستالىپ، ءتۇرلى تەرگەپ-تەكسەرۋمەن اياقتالدى. بەلگىلى ءبىرقاتار شەنەۋنىكتىڭ قىلمىسى اشكەرە بولدى.

Massaget.kz ءتىلشىسى بيىل ىستى بولعان شەنەۋنىكتەرگە شولۋ جاسادى. ايتا كەتەيىك، ولاردىڭ اراسىندا كىناسى دالەلدەنىپ، سوتتالعانى دا، ازىرگە تەرگەلىپ جاتقانى دا بار.

كارىم ءماسىموۆ

6- قاڭتاردا كارىم ءماسىموۆ ۇلتتىق قاۋىپسىزدىك كوميتەتىنىڭ ءتوراعاسى قىزمەتىنەن بوساتىلدى. ال 8- قاڭتاردا ءماسىموۆ ۇستالعانى حابارلاندى.

«6- قاڭتاردا ۇلتتىق قاۋىپسىزدىك كوميتەتى مەملەكەتكە ساتقىندىق جاساۋ دەرەگى بويىنشا ق ر قىلمىستىق كودەكسىنىڭ 175-بابىنىڭ 1-بولىگى بويىنشا سوتالدى تەرگەۋدى باستادى»، - دەلىنگەن سول كەزدە حابارلامادا.

ياعني، ماسىموۆكە «مەملەكەتكە وپاسىزدىق جاساۋ» بابى بويىنشا ايىپ تاعىلدى. ال 7- قاراشادا كارىم ءماسىموۆ پەن ونىڭ بۇرىنعى ورىنباسارلارىنىڭ ءىسى سوتقا جەتكەنى حابارلاندى.

ءانۋار سادىقۇلوۆ

13- قاڭتاردا ءماسىموۆتىڭ ورىنباسارى ءانۋار سادىقۇلوۆ ۇستالدى. ول ءدال ماسىموۆكە تاعىلعان ايىپتار بويىنشا كۇدىكتى دەپ تانىلدى.

ول بويىنشا دا ءالى تەرگەۋ ءجۇرىپ جاتىر. سادىقۇلوۆ 2019-جىلى قاڭتاردا ۇ ق ك ءتوراعاسىنىڭ ورىنباسارى بولىپ تاعايىندالعان. ودان بولەك ول «ا» ارناۋلى ماقساتتاعى قىزمەتىنىڭ ديرەكتورى قىزمەتىن اتقاردى. قازىر ول قاماۋدا.

قايرات قۇدايبەرگەن

21- ساۋىردە الماتى ءماسليحاتىنىڭ بۇرىنعى دەپۋتاتى، Q3 Worldwide ينۆەستيتسيالىق حولدينگىنىڭ نەگىزىن قالاۋشى جانە باس ديرەكتورى، بلوگەر قايرات قۇدايبەرگەن ۇستالدى. شىلدەدە قۇدايبەرگەن مانداتىنان ايىرىلدى.

پروكۋراتۋرا قۇدايبەرگەن الماتىداعى قاڭتار وقيعاسى كەزىندە جاپپاي تارتىپسىزدىكتى ۇيىمداستىردى جانە وعان قاتىستى دەگەن كۇدىككە ىلىنگەنىن راستادى.

ەكس-دەپۋتات ءالى دە قاماۋدا وتىر، وعان قاتىستى سوت وتىرىسى وتكەن جوق.

سەرىك كۇدەبايەۆ

الماتى وبلىسى پوليتسيا دەپارتامەنتىن باسقارعان گەنەرال-مايور سەرىك كۇدەبايەۆ 18- اقپاندا قىزمەتىنەن بوساتىلعانى حابارلانعان. ال مامىردا ول «اۋىر زارداتارعا الىپ كەلگەن قىزمەتتەگى ارەكەتسىزدىك» بابى بويىنشا كۇدىكتى دەپ تانىلدى.

الماتى وبلىسىنىڭ بۇرىنعى اكىمى قانات بوزىمبايەۆ سۇحباتتارىنىڭ بىرىندە سەرىك كۇدەبايەۆ قاڭتار وقيعاسى كەزىندە تۋعان اۋىلىنا كەتىپ قالعانىن ايتقان.

مۇرات بەكتانوۆ

قاڭتار وقيعاسى كەزىندە قورعانىس ءمينيسترى قىزمەتىندە مۇرات بەكتانوۆ بولدى. سول كەزدەگى جۇمىسى ءۇشىن ونى مەملەكەت باسشىسى سىناعان ەدى. توقايەۆتىڭ ايتۋىنشا، مۇرات بەكتانوۆ قازاقستانداعى تارتىپسىزدىكتەر كەزەڭىندە كوماندير رەتىندە قابىلەتىن كورسەتە الماعان.

ال اقپاندا مۇرات بەكتانوۆ ۇستالدى. باس پروكۋراتۋرا سول كەزدە مۇرات بەكتانوۆقا قاتىستى قىلمىستىق كودەكستىڭ 452-بابى «بيلىكتىڭ ارەكەتسىزدىگى» دەرەگى بويىنشا سوتالدى تەرگەۋ باستادى. 22- قازاندا بەكتانوۆقا قاتىستى قىلمىستىق ءىس اسكەري سوتقا جولداندى.

قايرات بورانبايەۆ

بيىل ناۋرىزدا بيزنەسمەن، ۇلتتىق پاراليمپيادا كوميتەتىنىڭ پرەزيدەنتى قايرات بورانبايەۆ قاماۋعا الىندى.

بۇعان دەيىن قارجى مونيتورينگى اگەنتتىگى كۆازيمەملەكەتتىك سەكتوردا اسا ءىرى مولشەردە قارجى جىمقىرۋ دەرەگى بويىنشا قىلمىستىق ءىستى تەرگەۋدى باستاعان بولاتىن. بەلگىلى بيزنەسمەن قايرات بورانبايەۆ قىلمىس جاسادى دەگەن كۇدىكپەن ۇستالىپ، ۋاقىتشا ۇستاۋ يزولياتورىنا قامالعان ەدى.

2022-جىلعى 23- جەلتوقساندا باس پروكۋراتۋرا ءىستى سوتتىڭ قاراۋىنا جىبەردى.

ارىستانبەك مۇحامەدي ۇلى

بۇرىنعى مادەنيەت ءمينيسترى، ۇلتتىق مۋزەيدىڭ باسشىسى ارىستانبەك مۇحامەدي ۇلى بيىل مامىردان بەرى قاماۋدا.

ق ر ۇلتتىق مۋزەي ديرەكتورى ارىستانبەك مۇحامەدي ۇلىنا قاتىستى «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ كەزىندە 146 ميلليون تەڭگە بيۋجەت قاراجاتىن جىمقىرۋ بەلگىلەرى بويىنشا سوتالدى تەرگەۋ ءجۇرىپ جاتىر.

ونى قاماۋعا الۋ مەرزىمى تاعى ۇزارتىلدى.

«2022-جىلعى 20- جەلتوقساندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى مۇحامەدي ۇلى ا. -عا قاتىستى قاماۋعا الۋ تۇرىندەگى سانكتسيالانعان بۇلتارتپاۋ شاراسىنىڭ مەرزىمىن ءبىر ايعا ۇزارتتى»، - دەدى استانا سوتىنىڭ باسپا ءسوز قىزمەتى وكىلدەرى.

تيمۋر توقتابايەۆ

بيىل 7- قاراشادا لاۋازىمدىق وكىلەتتىكتەرىن اسىرا پايدالاندى دەگەن كۇدىك بويىنشا بۇرىنعى يندۋستريا جانە ينفراقۇرىلىمدىق دامۋ ۆيتسە-ءمينيسترى تيمۋر توقتابايەۆ ۇستالعان.

انتيكور مالىمەتىنشە، مينيسترلىكتىڭ لاۋازىمدى ادامدارى جەكەلەگەن كاسىپكەرلىك سۋبەكتىلەرىنىڭ مۇددەسىنە ساي ارەكەت ەتىپ، بارلاۋ سىلتاۋىمەن اۋكتسيون وتكىزبەستەن پايدالى قاتتى قازبالار قورى بەلگىلەنگەن كەن ورىندارىن زاڭسىز بەرگەن. بۇرىن جۇرگىزىلگەن بارلاۋ دەرەگى قۇجاتتاردى بۇرمالاۋ ارقىلى ادەيى جاسىرىلعان.

«تەرگەۋ سوت سانكسياسىمەن تيمۋر توقتابايەۆتىڭ جانە ونىڭ جاقىن تۋىستارىنىڭ (ەليتالىق جەكە ۇيلەر، جەر ۋچاسكەلەرى، Cadillac Escalade ماركالى اۆتوكولىكتەرى، Mercedes-Benz Maybach S580 4 Matic، ەكى BMW X5 Xdrive40y، Bentley Bentayga V8) قىمبات جىلجىمالى جانە جىلجىمايتىن مۇلكى انىقتالدى جانە قاماۋعا الىندى»، - دەلىنگەن ۆەدومستۆو حابارلاماسىندا.

مارات شايحۋتدينوۆ

مارات شايحۋتدينوۆ مەملەكەتتىك قۇپيانى جاريا ەتۋ، تىڭشىلىق جانە مەملەكەتتىك وپاسىزدىق دەرەكتەرى بويىنشا قاماۋعا الىنعان ەدى.

«2022-جىلعى 21- قىركۇيەكتە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قاۋىپسىزدىك كەڭەسى حاتشىسىنىڭ بۇرىنعى ءبىرىنشى ورىنباسارى مارات شايحۋتدينوۆتى ق ر قىلمىستىق كودەكسىنىڭ 185-بابى 3-بولىگى بويىنشا كىنالى دەپ تاۋىپ، ونى مەملەكەتتىك قىزمەتتە قىزمەت اتقارۋ قۇقىعىنان جانە 7 جىلعا باس بوستاندىعىنان ايىرۋعا ۇكىم شىعاردى»، - دەلىنگەن حابارلامادا.

نۇرلان ءماسىموۆ

پوليتسيا دەپارتامەنتىنىڭ بۇرىنعى باستىعى پوليتسيا گەنەرال-مايورى نۇرلان ماسىموۆكە، ونىڭ ورىنباسارلارى اۋىر جانە اسا اۋىر سىبايلاس جەمقورلىق قىلمىستار جاسادى دەپ ايىپتالدى.

ءماسىموۆ پەن سيرازيديموۆ مەملەكەتتىك ساتىپ الۋدى وتكىزۋ جانە ۇلەستەس كومپانيالارمەن كەلىسىمشارتتارعا قول قويۋ كەزىندە قامقورلىعى ءۇشىن 90,3 ميلليون تەڭگە سوماسىندا پارا الدى دەپ ايىپتالىپ جاتىر.

سونداي-اق، ولار ارتتەح قارۋ-جاراق ساتىپ الۋعا ارنالعان 420 ميلليون تەڭگە سوماسىندا بيۋجەت قاراجاتىن ۇرلادى دەپ ايىپتالىپ جاتىر.

بيىل 22 -جەلتوقساندا وبلىس پروكۋراتۋراسى ايىپتالۋشىلاردى سوتقا بەردى.

بۇدان باسقا، اقتوبەدەگى تەمىر اۋداندىق تۇرعىن ءۇي كوممۋنالدىق شارۋاشىلىق ءبولىمىنىڭ باسشىسى بولعان جانىبەك ايداشيەۆ پەن ونىڭ ەكى سىبايلاسى شۇبارقۇدىق اۋىلدارىنداعى سۋ قۇبىرىن جوندەۋگە بولىنگەن قاراجاتتى تالان-تاراجعا سالدى دەگەن ايىپپەن سوتتالدى.

ال كەنتاۋدىڭ بۇرىنعى اكىمى داۋرەن ماحاجانوۆ پارا العانى ءۇشىن كىنالى دەپ تانىلىپ، 10 جىلعا باس بوستاندىعىنان ايىرىلدى.