تۇركياداعا جوعارى اقى تولەنەتىن جۇمىسقا ادام جالداعان كومپانيا قازاقستاندىقتاردى الداپ كەتكەن

قۇرىلىسشىلاردىڭ ءارقايسىنا 700000 تەڭگە تولەنەتىنى ايتىلعان. بۇل تۋرالى كتك تەلەارناسىنىڭ سيۋجەتىندە كورسەتىلدى، - دەپ حابارلايدى Tengrinews.kz ءتىلشىسى.

جۇمىس تۋرالى حابارلاندىرۋدى ءبىرى ينتەرنەتتەن كورسە، ءبىرى تانىستارىنان ەستىگەن. ولاردى جايلى ورىن، كيىم-كەشەك جانە جوعارى جالاقى قىزىقتىرعان.

سوندىقتان بولار، بار بولعانى 71 مىڭ تەڭگەلىك باستاپقى جارناسى ەشكىمدى ويلاندىرماعان.

«كەلىسىمشارت جاساسقاندا بىزگە 71000 دەدى، تۇركياعا بارعان كەزدە تاعى وسىنداي سوما. ءبىزدىڭ توپتا قازاقستاننىڭ تۇكپىر- تۇكپىرىنەن 2 مىڭ ادام بار. وسى كەڭسەدە كەلىسىمشارتقا وتىردىق، دينارا يبرايموۆا دەگەن قىز ءبارىن ايتىپ بەردى، ءتۇسىندىردى. ال ءبىز وعان اقشا بەردىك. مەن التى جۇمىستى تاستاپ، قارىزعا اقشا الدىم. بالالاردى تاماقتاندىرۋ كەرەك»، - دەيدى باۋىرجان بايتۇرسىنوۆ.

جۇمىسقا قابىلداۋ قىركۇيەكتە باستالعان. وسى ۋاقىت ىشىندە شەت ەلدە جۇمىس ىستەگىسى كەلەتىن كوپ ادام جينالدى. بۇل شىمكەنت، تۇركىستان، قىزىلوردا جانە جامبىل وبلىستارىنىڭ تۇرعىندارى. ەڭ سەنىمسىز بولعاندارعا ەلەكترون ۇشاق بيلەتتەرى دە جىبەرىلگەن. كەيىن ولاردىڭ ءبارى جالعان ەكەنى بەلگىلى بولدى.

كەيىن كومپانيا اكىمشىلىگى دە ءبىر ساتتە جوعالىپ كەتكەن. كەڭسەلەرى جابىلىپ، بايلانىس تەلەفوندارىنا ەشكىم جاۋاپ بەرمەگەن.

«قازىرگى ۋاقىتتا 60 تان اسا جابىرلەنۋشى بار. بۇل فاكت الاياقتىق دەرەگى بويىنشا تىركەلدى. ياعني، 190-باپ بويىنشا. بۇگىندە كۇدىكتىلەردىڭ سانى: جەتى ادام كولەمىندەگى مەنەدجەر، وسى ج ش س ديرەكتورى جانە وسى ج ش س قۇرىلتايشىسى. ۇستاۋ شارالارى جۇرگىزىلىپ جاتىر»، - دەدى شىمكەنت قالاسى ءال-فارابي اۋدانى پوليتسياسى باستىعىنىڭ ورىنباسارى جانىبەك تۇرلىبايەۆ.

پوليتسيا قۇربانداردىڭ كوپ بولۋى مۇمكىن ەكەنىنە سەنىمدى. جۇمىسسىز قالعان ادامدار كومپانيا باسشىلىعىن تاۋىپ، تىم بولماسا جارنالارىن قايتارۋدى تالاپ ەتىپ وتىر.