ەلوردادا «اۋىل» پارتياسىنىڭ كەزەكتەن تىس سەزى ءوتتى
شاراعا پارتيانىڭ 20 فيليالىندا وتكەن كەزەكتەن تىس كونفەرەنسيالاردا سايلانعان بارلىق دەلەگاتتارى قاتىستى.
ەلىمىزدە باستالعان كونستيتۋتسيالىق رەفورمالار مەن ساياسي وزگەرىستەرگە بايلانىستى بىرنەشە كونستيتۋتسيالىق زاڭدار قابىلداندى. سونىڭ ىشىندە «ق ر سايلاۋ تۋرالى» كونستيتۋتسيالىق زاڭعا وزەرىستەر ەنگىزۋىنە بايلانىستى پارتيانىڭ جارعىسىنا دا ءتيىستى وزگەرىستەر مەن تولىقتىرۋلار ەنگىزۋ ماسەلەسى تالقىعا سالىندى.
مەملەكەت باسشىسى قاسىم-جومارت توقايەۆ باستاماشىسى بولعان ەلدەگى كونستيتۋتسيالىق رەفورمالار مەن بەتبۇرىستار رەسپۋبليكانىڭ ساياسي ومىرىنە اۋقىمدى وزگەرىستەر اكەلدى. ەلدە پارتيالارعا دەگەن كوزقاراس وزگەردى. پارتيالار، ازاماتتىق قوعام بۇعان دەيىنگى بويكۇيەزدىكتەن ارىلىپ، جۇمىستارىن جانداندىرىپ جاتىر. زامان تالابى وزگەرىپ، سەمىپ قالعان ساياسات تامىرىنا قايتا قان جۇگىردى. سوعان بايلانىستى پارتيا ءوزىنىڭ نەگىزگى قۇقىقتىق قۇجاتى - جارعىنى جەتىلدىرۋ بويىنشا ماسەلە كوتەرىپ، سەزد شاقىرتتى.
«سايلاۋ جۇيەسى دە وزگەرىپ جاتىر. جاقىندا عانا پرەزيدەنت سايلاۋى ءوتتى. جاڭا مەرزىمگە سايلانعان پرەزيدەنت الداعى ۋاقىتتا سوعان سايكەس پارلامەنت قايتا سايلاناتىنىن ايتتى. ول مەملەكەت باسشىسى ۇسىنعان ارالاس سايلاۋ جۇيەسىمەن، ياعني، ءماجىلىستىڭ دەپۋتاتتىق كورپۋسىنىڭ %70 پروپورتسيونالدىق، %30 ماجوريتارلىق تاسىلمەن جاساقتالاتىن بولادى. بۇل جۇيە وبلىستار مەن رەسپۋبليكالىق ماڭىزى بار قالالارداعى ءماسليحاتتارعا دا ەنگىزىلەدى. ال اۋداندار مەن قالالارداعى سايلاۋ تەك ماجوريتارلىق تاسىلمەن وتەتىن بولادى. سوعان بايلانىستى بۇدان بىلاي فيليالدارعا، باستاۋىش پارتيا ۇيىمدارىنا وڭىرلەردەگى ساياسي ۇيىم رەتىندە تالاپ كۇشەيەدى. وسى وزگەرىستەرگە جارعىنى سايكەستەندىرۋ ماقساتىندا وعان تولىقتىرۋلار مەن وزگەرتۋلەر ەنگىزىلىپ جاتىر»، - دەدى «اۋىل» پارتياسىنىڭ ءتوراعاسى ءالي بەكتايەۆ.
بۇل وزگەرىستەر جەرگىلىكتى جەردە باسەكەلى ساياسي ورتا قالىپتاستىرىپ، ەلدىڭ الدىندا بەدەلدى، جاڭا تۇلعالاردىڭ ساياساتقا كەلۋىنە جول اشپاق. نەگىزگى ەلەكتوراتى اۋىلدى جەرلەردە تۇراتىن «اۋىل» پارتياسى اۋىل مۇددەسى تاعى نازاردان تىس قالماۋى ءۇشىن قازىردەن قام جاساپ جاتىر.
سونىمەن قاتار سەزد بارىسىندا پارتيانىڭ ساياسي كەڭەسىنىڭ قۇرامىنا وزگەرىستەر ەنگىزىلدى. «قازاقستان فەرمەرلەرى قاۋىمداستىعى» رەسپۋبليكالىق قوعامدىق بىرلەستىگىنىڭ باسقارما ءتوراعاسى دايرابايەۆ ج. م. پەن پارتيانىڭ ورتالىق اپپارات جەتەكشىسى جاناتايەۆ ە. يا. پارتيانىڭ ساياسي كەڭەسى مەن پرەزيديۋم مۇشەلىگىنە سايلاندى.
