تاتارستانداعى پرەزيدەنت لاۋازىمى رايس دەپ وزگەرتىلەدى
تاتارستانداعى ەڭ جوعارى لاۋازىم اتاۋى «تاتارستان رەسپۋبليكاسىنىڭ باسشىسى - رايس» بولادى.
«تاتارستان رەسپۋبليكاسىنىڭ رايسى» دەگەن قىسقارتىلعان نۇسقانى دا پايدالانۋ مۇمكىندىگى كوزدەلىپ وتىر. ەڭ جوعارى لاۋازىمعا جاڭا اتاۋ بەرە وتىرىپ، رەسپۋبليكامىزدىڭ قازىرگى پرەزيدەنتى رۋستام نۇرعالي ۇلى ميننيحانوۆ پرەزيدەنت بولىپ سايلانعانىن تۇسىنەمىز. وسىعان بايلانىستى ۇسىنىلعان زاڭ جوباسىندا وتپەلى ەرەجەلەر بار، وعان سايكەس زاڭ جوباسىندا كوزدەلگەن جاڭا اتاۋ تاتارستان رەسپۋبليكاسىنىڭ جاڭادان سايلانعان جوعارى لاۋازىمدى ادامىنا عانا قولدانىلاتىن بولادى، - دەدى پارلامەنتتىڭ مەملەكەتتىك قۇرىلىس جانە جەرگىلىكتى باسقارۋ كوميتەتىنىڭ ءتوراعاسى البەرت حابيبۋللين.
زاڭ جوباسىن قابىلداۋعا 78 دەپۋتات داۋىس بەردى، ال ۇشەۋى قارسى بولدى.
رۋستام ميننيحانوۆ 2020-جىلى تاتارستاننىڭ پرەزيدەنتى بولىپ سايلاندى. ونىڭ مەرزىمى 2025-جىلى اياقتالادى.
