تۇركيا قازاقستاندا وسىمدىكتەردىڭ گەنەتيكالىق بانكىن قۇرۋعا كومەكتەسپەك
ايتا كەتەيىك، 2022 -جىلى 10-قاراشادا شىمكەنت قالاسىندا قازاقستان مەن تۇركيانىڭ اراسىندا تۇقىم شارۋاشىلىعى سالاسىنداعى ىنتىماقتاستىق تۋرالى كەلىسىمگە قول قويىلعان بولاتىن. ق ر اۋىل شارۋاشىلىعى ۆيتسە- ءمينيسترى ءابىلقايىر تامابەك باستاعان قازاقستاندىق دەلەگاتسيا اتالعان كەلىسىمدى ودان ءارى ىسكە اسىرۋ ءۇشىن انكاراعا كەلدى.
وسى ورايدا بىرلەسكەن عىلىمي زەرتتەۋلەر جۇرگىزۋ ماسەلەلەرى تالقىلانىپ، اۋىل شارۋاشىلىعى وسىمدىكتەرىنىڭ تۇقىمىن ءوندىرۋ جانە سەرتيفيكاتتاۋ قىزمەتىن قۇرۋ پروتسەستەرىن جولعا قويۋ بويىنشا تاجىريبە الماسۋ جونىندە ۋاعدالاستى.
سونىمەن قاتار ءابىلحايىر تامابەك اۋرۋلار مەن زيانكەستەر بويىنشا تۇقىمعا تالداۋ جۇرگىزۋدە زور تاجىريبەسى بار تۇركيا رەسپۋبليكاسىنىڭ «TSUAB» تۇقىم وسىرۋشىلەر قاۋىمداستىعى، «TMO» استىق وداعى مەن «TUAB» تۇقىم سالاسىنداعى سەرتيفيكاتتاۋ قىزمەتىنىڭ كەڭسەلەرىنە باردى.
بۇعان قوسا، قازاقستاندىق دەلەگاتسيا تۇركيا رەسپۋبليكاسىنىڭ ۇلتتىق گەنەتيكالىق تۇقىم بانكىندە بولدى. كەزدەسۋ بارىسىندا قازاقستاندا وسىنداي گەنەتيكالىق بانكتى قۇرۋ بويىنشا كونسۋلتاتسيالىق كومەك كورسەتۋ تۋرالى كەلىسىمگە كەلدى.
بۇل سالاداعى ىنتىماقتاستىق ماسەلەلەرى الداعى ۋاقىتتا تۇقىم شارۋاشىلىعى بويىنشا وتەتىن حالىقارالىق بيزنەس- فورۋمىنىڭ الاڭىندا ەكىجاقتى كەزدەسۋلەر اياسىندا تالقىلانادى دەپ جوسپارلانىپ وتىر.
