قىتايدا اۋرۋحانادا ورىن جوق، ءۇندىستان ماسكا كيدى. كوۆيدتىڭ جاڭا تولقىنى تاراي ما

كورشى قىتايدا ۆيرۋستىڭ ورشۋىنەن ءۇندىستان بيلىگى ساقتانۋعا كىرىستى، دەپ حابارلايدى قازاقپارات.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، سوڭعى اپتالاردا جاڭا كوۆيد-19 تولقىنىنىڭ تارالۋىنا بايلانىستى بەيجىڭدەگى جانە قىتايدىڭ باسقا قالالارىنداعى اۋرۋحانالاردا ورىن جوق.

قىتاي بيلىگى اۋرۋ سانى سالىستىرمالى تۇردە تومەن ەكەنىن ايتادى، ال ددۇ توتەنشە جاعدايلار ءبولىمىنىڭ باسشىسى مايكل رايننىڭ ايتۋىنشا، قىتايداعى رەانيماتسيا بولىمشەلەرى تەز تولىپ جاتىر.

وسىعان بايلانىستى كورشىلەس ءۇندىستان بيلىگى تۇرعىنداردى قايتادان بەتپەردە كيىپ، پاندەميا كەزىندە ۇسىنىلعان ەرەجەلەردى ساقتاۋعا، سونداي-اق ساقتىق شاراسى رەتىندە ۆاكسينانىڭ كۇشەيتكىش ەكپەسىن الۋعا شاقىردى.

قىتاي العاش رەت ەلگە شەتەلدىك ۆاكسينانى جەتكىزۋگە رۇقسات بەردى - سارسەنبىدە گەرمانيالىق Pfizer/BioNTech ءبىرىنشى پارتياسى كەلدى.