الماتىدا وتەتىن «ونەر قىراندارىنىڭ» كونسەرتىنە قاتىستى شۋ شىقتى

بۇل تۋرالى «الماتى اۋەندەرى» حابارلادى.

«ۇيىمداستىرۋشىمەن اتالعان ءىس-شارانى وتكىزۋگە شارت جاسالماعان. سونىمەن قاتار اتالعان كۇندەرى رەسپۋبليكا سارايىندا «جاڭا جىلدىق شوۋ» وتكىزۋ جوسپارلانعان. وسىعان قاراماستان «حارەكەت» قايىرىمدىلىق قورى» ق ق جانە «ونەر قىراندارى» تەاترىنىڭ وكىلدەرى ءىس- شارانى وتكىزۋ تۋرالى جالعان اقپارات تاراتۋدى جالعاستىرۋدا، سونداي-اق بيلەتتەردى Kassir.kz ارقىلى ساتقان. ءتيىستى قۇقىق ورگاندارىنىڭ تەكسەرۋىمەن اتالعان شارانىڭ ءوتۋ كۇنى جالعان ەكەنى انىقتالدى»، - دەلىنگەن حابارلامادا.

سوندىقتان 24- 25-جەلتوقساندا وتەتىن «ونەر قىراندارى - حارەكەت قورىنا 5 جىل» كونسەرتىنە ساتىىلعان بارلىق بيلەتتىڭ كۇشى جويىلدى. بيلەت اقشاسى kassir.kz سايتىندا بەلگىلەنگەن ەرەجە بويىنشا قايتارىلماق.